കോഴിക്കോട്: സമസ്ത കേരള ജംഇയ്യത്തുല്‍ മുഅല്ലിമീന്‍ ആഭിമുഖ്യത്തില്‍ നടക്കുന്ന ഇസ്‌ലാമിക കലാമേളയുടെ ജില്ലാതല മത്സരങ്ങള്‍ക്ക് നാളെ തുടങ്ങും. കുറ്റിക്കാട്ടൂര്‍ ജാമിഅ യമാനിയ്യ അറബിക് കോളജില്‍ അഞ്ച് വേദികളിലായാണ് മത്സരം. 57 റെയ്ഞ്ചുകളില്‍ നിന്നുള്ള പ്രതിഭകള്‍ മാറ്റുരയ്ക്കും.
നാളെ നാലിന് വിളംബരജാഥയോടുകൂടിയാണ് ദ്വിദിന മേളയ്ക്ക് തുടക്കമാവുക. തുടര്‍ന്ന് യമാനിയ്യ ജനറല്‍ സെക്രട്ടറി ആര്‍.വി കുട്ടിഹസന്‍ ദാരിമി പതാക ഉയര്‍ത്തും. അഞ്ചിന് സമസ്ത പ്രസിഡന്റ്  മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടം ചെയ്യും. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് കെ.കെ ഇബ്‌റാഹീം മുസ്‌ലിയാര്‍ അധ്യക്ഷനാകും. സമസ്ത മാനേജര്‍ കെ. മോയിന്‍കുട്ടി മാസ്റ്റര്‍ മുഖ്യപ്രഭാഷണം നടത്തും. നാസര്‍ ഫൈസി കൂടത്തായി, പൊതാത്ത് മുഹമ്മദ് ഹാജി, കെ. മരക്കാര്‍ ഹാജി, പി. യൂസുഫ് ഹാജി, എ.പി സലീം ഹാജി, ആര്‍.വി അബ്ബാസ് ദാരിമി, പി. ബാവഹാജി, കെ. സുബൈര്‍ മാസ്റ്റര്‍, അബൂബക്കര്‍ വഹബി, ആര്‍.വി സലീം, റാഷിദ് യമാനി, ഇ.ടി ഫൈസല്‍ ഹസനി, സലാം ഫൈസി മുക്കം സംസാരിക്കും. 11 ന് രാവിലെ 8.30ന് കലാമത്സരങ്ങള്‍ ആരംഭിക്കും. സമാപന സമ്മേളനം എം.കെ മുനീര്‍ എം.എല്‍.എ ഉദ്ഘാടനം ചെയ്യും. കെ.പി കോയ അധ്യക്ഷനാകും. അഡ്വ. പി.ടി.എ റഹീം എം.എല്‍.എ അവാര്‍ഡ് വിതരണം ചെയ്യും.