ന്യൂഡല്‍ഹി: തായ്‌ലന്‍ഡ് അന്താരാഷ്ട്ര ബോക്‌സിങ് ടൂര്‍ണമെന്റില്‍ ഇന്ത്യന്‍ താരം കെ ശ്യാംകുമാറിന് സ്വര്‍ണം. 49 കിലോ വിഭാഗത്തിലാണ് താരത്തിന്റെ നേട്ടം. വാക്കോവറിലൂടെയാണ് ശ്യാം സ്വര്‍ണം സ്വന്തമാക്കിയത്. ഫൈനലില്‍ ഒളിംപിക് ജേതാവ് ഹസന്‍ബോയ് ദസ്മതോവായിരുന്നു ഫൈനലില്‍ ശ്യാമിന്റെ എതിരാളി.
പരുക്കിനെ തുടര്‍ന്ന് ദസ്മതോവ് ഫൈനലില്‍ കളിക്കാതിരുന്നതിനെ തുടര്‍ന്നാണ് ശ്യാമിന് സുവര്‍ണ നേട്ടം സമ്മാനിച്ചത്. നേരത്തെ 2015ലും ഇതേ വിഭാഗത്തില്‍ ശ്യാംകുമാര്‍ സ്വര്‍ണം നേടിയിരുന്നു. അതേസയമം ടൂര്‍ണമെന്റില്‍ രണ്ടു മെഡലുകളാണ് ഇന്ത്യ സ്വന്തമാക്കിയത്. 64 കിലോ വിഭാഗത്തില്‍ റോഹിത് തോക്കാസ് സെമിയില്‍ തോറ്റതോടെ വെങ്കലം സ്വന്തമാക്കുകയായിരുന്നു. നേരത്തെ 2015ലും താരം വെങ്കലം നേടിയിരുന്നു.