കോഴിക്കോട്: നല്ല വായന വായനക്കാരന് അറിവ് പകരുന്നതും ഉള്‍ക്കാഴ്ച നല്‍കുന്നതുമായിരിക്കണമെന്ന് കവി പി.പി ശ്രീധരനുണ്ണി അഭിപ്രായപ്പെട്ടു.
ജില്ലാ ലൈബ്രറി കൗണ്‍സിലിന്റെയും പൊതുവിദ്യാഭ്യാസ വകുപ്പിന്റെയും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെയും ആഭിമുഖ്യത്തില്‍ കോഴിക്കാട് ബി.ഇ.എം ഗേള്‍സ് ഹയര്‍സെക്കണ്ടറി സ്‌കൂളില്‍ നടന്ന ജില്ലാതല വായനാ പക്ഷാചരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വിദ്യാഭ്യാസ ഉപഡയരക്ടര്‍ ഇ.കെ സുരേഷ് കുമാര്‍ അധ്യക്ഷനായി. സംസ്ഥാന ലൈബ്രറി കൗണ്‍സില്‍ എക്‌സിക്യുട്ടീവ് മെംബര്‍ ബി. സുരേഷ്ബാബു പി.എന്‍ പണിക്കര്‍ അനുസ്മരണ പ്രഭാഷണം നടത്തി. ഡയറ്റ് പ്രിന്‍സിപ്പല്‍ കെ. രാധാകൃഷ്ണന്‍ വിദ്യാഭ്യാസ വകുപ്പിന്റെ വെബ്‌സൈറ്റ് പ്രകാശനം ചെയ്തു. ജില്ലാ ഇന്‍ഫര്‍മേഷന്‍ ഓഫിസര്‍ എം. മധുസൂദനന്‍, ബി.ഇ.എം സ്‌കൂള്‍ കോര്‍പറേറ്റ് മാനേജര്‍ ഡോ. ടി.ഐ ജെയിംസ്, ജില്ലാ ലൈബ്രറി കൗണ്‍സില്‍ പ്രസിഡന്റ് എന്‍. ശങ്കരന്‍ മാസ്റ്റര്‍, എസ്.എസ്.എ ജില്ലാ പ്രൊജകട് ഓഫിസര്‍ എം. ജയകൃഷ്ണന്‍, പി.എന്‍ പണിക്കര്‍ ഫൗണ്ടേഷന്‍ ജില്ലാ പ്രസിഡന്റ് അഡ്വ. എം രാജന്‍, ലൈബ്രറി കൗണ്‍സില്‍ ജില്ലാ സെക്രട്ടറി കെ. ചന്ദ്രന്‍ മാസ്റ്റര്‍, സ്‌കൂള്‍ പ്രില്‍സിപ്പല്‍ സിസിലി ജോണ്‍ സംസാരിച്ചു.കിടപ്പിലായ വിദ്യാര്‍ഥികള്‍ക്കു വേണ്ടി എസ്.എസ്.എ നടപ്പിലാക്കിയ 'കൂട്ടുകൂടാന്‍ പുസ്തക ചങ്ങാതി' പദ്ധതി രണ്ടാം ഘട്ടത്തിന്റെ ഉദ്ഘാടനവും ചടങ്ങില്‍ നിര്‍വഹിച്ചു.