സോഫിയ: ബജ്‌റംഗ് പുനിയക്ക് ഗുസ്തിയില്‍ സ്വര്‍ണം. ബള്‍ഗേറിയയില്‍ നടക്കുന്ന ഡാന്‍ കൊളോവ്‌നിക്കോള പെട്രാവ് ടൂര്‍ണമെന്റിലാണ് പുനിയ സ്വര്‍ണം സ്വന്തമാക്കിയത്. പുരുഷന്മാരുടെ 65 കിലോഗ്രാം വിഭാഗത്തില്‍ അമേരിക്കന്‍ താരം ജോര്‍ദന്‍ ഒലിവറിനെയാണ് ബജ്‌റംഗ് കീഴ്‌പ്പെടുത്തിയത്. കഴിഞ്ഞവര്‍ഷം കോമണ്‍വെല്‍ത്ത് ഗെയിംസ്, ഏഷ്യന്‍ ഗെയിംസ് എന്നിവയില്‍ ബജ്‌റംഗ് സ്വര്‍ണം സ്വന്തമാക്കിയിരുന്നു. കഴിഞ്ഞ അഞ്ച് ടൂര്‍ണമെന്റുകളില്‍ നാലിലും ഇന്ത്യന്‍ താരം സ്വര്‍ണം നേടിയിരുന്നു. സ്വര്‍ണമെഡല്‍ എയര്‍ഫോഴ്‌സ് വിങ് കമാന്‍ഡര്‍ അഭിനന്ദന്‍ വര്‍ധ്മാന് സമര്‍പ്പിക്കുന്നതായി ബജ്‌റംഗ് പറഞ്ഞു.