ദിസ്പുര്‍: ഇന്ത്യന്‍ വനിതകളും ഇംഗ്ലണ്ട് വനിതകളും തമ്മിലുള്ള ടി20 പരമ്പരക്ക് ഇന്ന് തുടക്കം. ഏകദിന പരമ്പര സ്വന്തമാക്കിയതിന്റെ ആത്മവിശ്വാസത്തിലാണ് ഇന്ത്യന്‍ സംഘമുള്ളത്.
ലോകകപ്പിന് മുമ്പ് സ്ഥിരതയാര്‍ന്ന ടീമിനെ സൃഷ്ടിക്കുകയെന്ന ലക്ഷ്യത്തോടെയാണ് ഇന്ത്യ കളിക്കുന്നതെന്ന് ക്യാപ്റ്റന്‍ സ്മൃതി മന്ദാന പറഞ്ഞു. മുന്ന് മത്സരങ്ങളുണ്ടായിരുന്ന ഏകദിന പരമ്പരയില്‍ 2-1 നായിരുന്നു ഇന്ത്യ പരമ്പര സ്വന്തമാക്കിയത്. വിജയിച്ച രണ്ട് മത്സരങ്ങളിലും ഇന്ത്യയുടെത് ആധികാരിക മായിരുന്നു.
അതിനാല്‍ ടീം മികച്ച ആത്മവിശ്വാസത്തിലാണെന്ന് മന്ദാന മാധ്യമ പ്രവര്‍ത്തകരോട് പറഞ്ഞു. രാവിലെ 11നാണ് മത്സരം തുടങ്ങുന്നത്.