ഇരിക്കൂര്‍: ഇരിക്കൂര്‍ ഗവ. ഹയര്‍സെക്കന്‍ഡറി സ്‌കൂള്‍ പൂര്‍വ വിദ്യാര്‍ഥി സംഗമവും മാസ്റ്റര്‍ പ്ലാന്‍ പ്രകാശനവും ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു. ജില്ലാ പഞ്ചായത്തില്‍ നിന്നു സ്‌കൂളിന് സോളാര്‍ സൗകര്യത്തിനു 50 ലക്ഷം രൂപയുടെ ഫണ്ട് അനുവദിച്ചിട്ടുണ്ട്. ഇരിക്കൂര്‍ പഞ്ചായത്ത് പ്രസിഡന്റ് കെ.ടി നസീര്‍ അധ്യക്ഷനായി.
 ജില്ലാ പഞ്ചായത്തംഗം പി.കെ സരസ്വതി പ്ലാന്‍ സമര്‍പ്പിച്ചു. യു.എ.ഇ ഇരിക്കൂര്‍ റിലീഫ് കമ്മിറ്റി സ്‌പോണ്‍സര്‍ ചെയ്ത ക്ലാസ് റൂം നവീകരണ പദ്ധതി ചെയര്‍മാന്‍ കെ. ഷൗക്കത്തലി സമര്‍പ്പിച്ചു.
ജനപ്രതിനിധികളായ ടി. വസന്തകുമാരി, കെ. ശ്രീജ, വി. അബ്ദുല്‍ ഖാദര്‍, എം.എം മോഹനന്‍, കെ.ടി അനസ്, സി. രാജീവന്‍,  പ്രിന്‍സിപ്പല്‍ എ.കെ അജിത് കുമാര്‍, പ്രധാനധ്യാപകന്‍ കെ.വി മുരളീധരന്‍ സംസാരിച്ചു.