സിയൂള്‍: സിറിയന്‍ വ്യോമതാവളത്തില്‍ അമേരിക്ക നടത്തിയ മിസൈല്‍ ആക്രമണം മാപ്പര്‍ഹിക്കാത്ത കടന്നുകയറ്റമാണെന്ന് ഉ.കൊറിയ ആരോപിച്ചു. സ്വന്തമായി ആണവായുധങ്ങള്‍ വികസിപ്പിക്കാനുള്ള തങ്ങളുടെ തീരുമാനം ശരിയാണെന്ന് തെളിയിക്കുന്നതാണ് നടപടിയെന്നും ഉ.കൊറിയ പറഞ്ഞു.
സര്‍ക്കാര്‍ വാര്‍ത്താ ഏജന്‍സിയായ കെ.സി.എന്‍.എ ആണ് ഉ.കൊറിയന്‍ വിദേശകാര്യ മന്ത്രാലയത്തിന്റെ പ്രതികരണം പുറത്തുവിട്ടത്. നിരന്തരം മിസൈല്‍ പരീക്ഷണം നടത്തിയതിന് യു.എന്നും ലോകരാഷ്ട്രങ്ങളും ഉ.കൊറിയക്കെതിരേ രംഗത്തെത്തിയിരുന്നു.