കോഴിക്കോട്: കരിപ്പൂര്‍ ഇന്റര്‍നാഷനല്‍ എയര്‍പോര്‍ട്ടില്‍ നിന്ന് ദുബായ് കരിപ്പൂര്‍ എമിറേറ്റ് സര്‍വീസ് ഉടനെ ആരംഭിക്കുന്നു. ഇതിന്റെ കാര്യങ്ങള്‍ പരിശോധിക്കാനായി എമിറേറ്റ് സാങ്കേതിക വിദഗ്ധര്‍ കരിപ്പൂരില്‍ പരിശോധനക്കെത്തി. ഇതോടനുബന്ധിച്ച് എമിറേറ്റ് സാങ്കേതിക വിദഗ്ധര്‍ക്ക് മലബാര്‍ ഡവലപ്പ്‌മെന്റ് ഫോറം കരിപ്പൂരില്‍ വരവേല്‍പ്പ് നല്‍കി

എമിറേറ്റ് എയറിനെ പ്രതിനിധീകരിച്ച് വൈസ് പ്രസിഡണ്ട്: മോഹന്‍ ശര്‍മ്മ, സീനിയര്‍ ഫ്‌ലൈറ്റ് ഓപ്പറേഷന്‍ എന്‍ജിനീയര്‍ മന്ദാര്‍ വേലാങ്കര്‍, സിവില്‍ എവിയേഷന്‍ ലെയ്‌സണ്‍ മാനേജര്‍, മുനവ്വര്‍ ഹാഷിക്, എന്‍ജിനീയര്‍ ശമീര്‍ കാലടി, അക്കൗണ്ട്‌സ് മാനേജര്‍ രവികേഷ് എന്നിവരാണ് സംഘത്തിലുണ്ടായിരുന്നത്.

എയര്‍പ്പോര്‍ട്ട് അതോറിറ്റിയെ പ്രതിനിധീകരിച്ച് ശ്രീനിവാസ റാവു, മുഹമ്മദ് ശാഹിദ്, ഒ വി.മാര്‍ക്‌സിസ് എന്നിവരും പങ്കെടുത്തു.

മലബാര്‍ ഡവലപ്പ്‌മെന്റ് ഫോറം പ്രസിഡന്റ് കെ.എം.ബഷീറിന്റെ നേതൃത്വത്തില്‍ എം.ഡി.എഫ് നിര്‍വാഹക സമിതി അംഗങ്ങളായ കെ.സി.അബ്ദുറഹിമാന്‍, ഇസ്മായില്‍ പുനത്തില്‍, മുഹമ്മദ് ഹസ്സന്‍ പങ്കെടുത്തു. എമിറേറ്റ് എയറിന്റെ സാങ്കേതിക വിദഗ്ധര്‍ക്ക് എം.ഡി.എഫ്  ഉപഹാരവും
സമര്‍പ്പിച്ചു.