മുംബൈ: സാമ്പത്തിക പ്രതിസന്ധി രൂക്ഷമായ ജെറ്റ് എയര്‍വേയ്‌സ് ഇതുവരെ നിര്‍ത്തലാക്കിയത് 25 വിമാനങ്ങള്‍. ഞായറാഴ്ച രണ്ട് വിമാനം കൂടി സര്‍വീസ് നിര്‍ത്തിയതോടെയാണ് മൊത്തം 25 ആയത്.

ലീസിന് എടുത്തിരുന്ന വിമാനങ്ങളുടെ വാടകയില്‍ കുടിശിക വരുത്തിയതോടെയാണ് സര്‍വീസുകള്‍ തുടരെത്തുടരെ നിര്‍ത്തലാക്കേണ്ടി വന്നത്. കമ്പനിക്ക് ആകെയുള്ള വിമാനങ്ങളുടെ 20 ശതമാനവും ഇപ്പോള്‍ നിലത്തിറക്കിയിരിക്കുകയാണ്.

മൊത്തം 123 വിമാനങ്ങളാണ് ജെറ്റ് എയര്‍വേയ്‌സിനുള്ളത്.

വിമാനങ്ങള്‍ നിര്‍ത്തിവയ്ക്കുമ്പോള്‍ കമ്പനിയിലെ പ്രശ്‌നങ്ങള്‍ വലിയ രീതിയില്‍ ബാധിക്കാതിരിക്കാന്‍ സാധിക്കുന്നത്ര ശ്രമിക്കുന്നുണ്ടെന്ന് ജെറ്റ് അധികൃതര്‍ പറഞ്ഞു.