കോഴിക്കാട്: ഇന്നലെ പ്രവര്‍ത്തനം ആരംഭിച്ച മാംഗോ കാബ്‌സ് ടാക്‌സി ഓഫിസിലേക്ക് സംയുക്ത ടാക്‌സി തൊഴിലാളികള്‍ പ്രതിഷേധ മാര്‍ച്ച് നടത്തി.
ഓണ്‍ലൈന്‍ ടാക്‌സി തൊഴിലാളികളെ പട്ടിണിയിലാക്കുമെന്നും കോഴിക്കോട് പ്രവര്‍ത്തിക്കാന്‍ അനുവദിക്കുകയില്ലെന്നും മുന്നറിയിപ്പ് നല്‍കിയായിരുന്നു മാര്‍ച്ച്. മാര്‍ച്ച് സി.ഐ.ടി.യു സിറ്റി ഏരിയാ സെക്രട്ടറി ടി. സദാനന്ദന്‍ ഉദ്ഘാടനം ചെയ്തു. ബി.എം.എസ് മോട്ടോര്‍ തൊഴിലാളി യൂനിയന്‍ ജില്ലാ പ്രസിഡന്റ് കെ.കെ പ്രേമന്‍ അധ്യക്ഷനായി. മോട്ടോര്‍ തൊഴിലാളി യൂനിയന്‍ ഐ.എന്‍.ടി.യു.സി ജില്ലാ പ്രസിഡന്റ് വി.സി സേതുമാധവന്‍, എ.ഐ.ടി.യു.സി നേതാവ് എ. സതീശന്‍ സംസാരിച്ചു.
ശോഭയുടെ 'ഗൃഹശോഭ 2016' ആരംഭിച്ചു
കോഴിക്കോട്: നിര്‍മാണ രംഗത്തെ മുന്‍നിരക്കാരായ ശോഭ ലിമിറ്റഡ്, എന്‍.ആര്‍.ഐ ഉപഭോക്താക്കള്‍ക്കായി അവതരിപ്പിക്കുന്ന 'ഗൃഹശോഭ 2016'നു തുടക്കമായി. ചാലിയാര്‍ പുഴയുടെ കാഴ്ചയ്ക്ക് അഭിമുഖമായി ശോഭ ആസൂത്രണം ചെയ്യുന്ന റിയോ വിസ്റ്റ സൂപ്പര്‍ ലക്ഷ്വറി അപ്പാര്‍ട്‌മെന്റ് പദ്ധതിക്കായി കണ്ടെത്തിയ ലൊക്കേഷനില്‍ ശോഭയുടെ ഷോ ഹോം തയാറായിട്ടുണ്ട്. തൃശൂര്‍ ശോഭാ സിറ്റിക്കു ശേഷം ശോഭ അവതരിപ്പിക്കുന്ന വില്ലാ പദ്ധതിയാണ് കോഴിക്കോട് വെള്ളിപറമ്പില്‍ നിര്‍മാണം പുരോഗമിക്കുന്ന ശോഭ ബെല എന്‍കോസ്റ്റ.
പോര്‍ച്ചുഗീസ് ഭവന നിര്‍മാണ ശൈലിയുടെ മാതൃകയിലാണ് ബെല എന്‍കോസ്റ്റ രൂപകല്‍പന ചെയ്തിരിക്കുന്നത്. ആഡംബര ജീവിതത്തിന്റെ എല്ലാ സവിശേഷതകളോടുമൊപ്പം, സുഗമമായി എത്തിച്ചേരാവുന്ന ലൊക്കേഷന്‍, മനോഹരമായ രൂപകല്‍പ്പന, മള്‍ട്ടി പര്‍പ്പസ് ഹാള്‍, ഹാഫ് കവേര്‍ഡ് സ്വിമ്മിങ് പൂള്‍, ബാഡ്മിന്റണ്‍ കോര്‍ട്ട്, ടേബിള്‍ ടെന്നീസ്, ബില്ല്യാര്‍ഡ്‌സ്, അസോസിയേഷന്‍ ഹാള്‍, പ്രൊവിഷന്‍സ് സ്റ്റോര്‍ തുടങ്ങിയ സൗകര്യങ്ങളും അനുകൂല സാഹചര്യങ്ങളുമാണ് ശോഭ ബെല എന്‍കോസ്റ്റയെ സവിശേഷമാക്കുന്നത്. ഫോണ്‍ 9633007070.