കോഴിക്കോട്: ഷഹീദെ ഹിന്ദ് കുമാരന്‍നായരുടെ 72-ാം അനുസ്മരണ സമ്മേളനവും ഷഹീദെ ഹിന്ദ് പുരസ്‌കാര സമര്‍പ്പണവും സംഘടിപ്പിച്ചു. സ്‌പോര്‍ട്‌സ് കൗണ്‍സില്‍ ഹാളില്‍ നടന്ന ചടങ്ങ് മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. കാരശ്ശേരി സര്‍വിസ് സഹകരണ ബാങ്ക് പ്രസിഡന്റ് എന്‍.കെ അബ്ദുറഹ്മാന്‍, എം.എസ് സുബ്ബലഷ്മിയുടെ ജീവചരിത്രമെഴുതിയ മഞ്ജുളമാല എന്നിവര്‍ക്കാണു പുരസ്‌കാരം നല്‍കിയത്.
ചടങ്ങില്‍ വല്‍സന്‍ നെല്ലിക്കോട് അധ്യക്ഷനായി. സാഹിത്യകാരന്‍ പി.ആര്‍ നാഥന്‍ അനുസ്മരണ പ്രഭാഷണം നടത്തി. എം.പി രമേശ്, മുകുന്ദന്‍ പി.പി എന്നിവരെ ആദരിച്ചു. പരിപാടിയോടനുബന്ധിച്ചു നടന്ന കവിതാമത്സരത്തിലെ വിജയികള്‍ക്ക് കാലിക്കറ്റ് യൂനിവേഴ്‌സിറ്റി ഡെപ്യൂട്ടി രജിസ്ട്രാര്‍ എം.കെ പ്രമോദ് സമ്മാനങ്ങള്‍ വിതരണം ചെയ്തു. വിജയന്‍ കോടഞ്ചേരി, കെ.എഫ് ജോര്‍ജ്ജ്, ഡോ. കെ. മൊയ്തു, പി. വാസു, ബാലചന്ദ്രന്‍ പുതുക്കുടി സംസാരിച്ചു.