തിരുവനന്തപുരം: നന്തന്‍കോട്ട് ക്ലിഫ് ഹൗസിന് സമീപത്തെ വീട്ടില്‍ മൃതദേഹങ്ങള്‍ കത്തിയ നിലയില്‍ കണ്ടെത്തിയ സംഭവത്തില്‍ കൊല്ലപ്പെട്ടത് നാലു പേരെന്ന് പൊലിസ്. നേരത്തെ മൂന്നു മൃതദേഹമാണ് കണ്ടെത്തിയതെന്ന് റിപ്പോര്‍ട്ടുണ്ടായിരുന്നു. ഒരാളുടെ മൃതദേഹം ചാക്കില്‍ കെട്ടിയ നിലയിലും മറ്റു രണ്ടു പേരുടെ മൃതദേഹം കത്തിക്കരിഞ്ഞ നിലയിലുമാണ് കണ്ടെത്തിയത്.

♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦

Also Read: തിരുവനന്തപുരത്ത് ദുരൂഹസാഹചര്യത്തില്‍ മൂന്നു മൃതദേഹങ്ങള്‍ കണ്ടെത്തി

♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦

എന്നാല്‍, ഇപ്പോള്‍ കൂടുതല്‍ പരിശോധകള്‍ക്കൊടുവില്‍ ബാത്‌റൂമില്‍ ചാക്കില്‍ കെട്ടിയ നിലയില്‍ മറ്റൊരു മൃതദേഹം കൂടി ലഭിക്കുകയായിരുന്നു. മൃതദേഹങ്ങള്‍ക്ക് രണ്ടു ദിവസത്തെ പഴക്കമുണ്ടെന്നും പോസ്റ്റ്‌മോര്‍ട്ടം വീട്ടില്‍വച്ചു തന്നെ നടത്തുമെന്നും പൊലിസ് പറഞ്ഞു.

ഡോക്ടര്‍ ജീന്‍ പത്മ, രാജതങ്കം, മകള്‍: കേഡല്‍ കരോള്‍, ബന്ധു ലളിതാമ്മ എന്നിവരാണ് കൊല്ലപ്പെട്ടത്. കൊലപാതകത്തിനു പിന്നില്‍ മകന്‍ കേഡല്‍ ജിന്‍സ് രാജായിരിക്കുമെന്നാണ് പൊലിസ് ഭാഷ്യം. സംഭവത്തിന് ശേഷം കാണാതായ മകനു വേണ്ടി അന്വേഷണം ഊര്‍ജിതമാക്കിയതായി പൊലിസ് പറഞ്ഞു.