കോഴിക്കോട് : ദുബൈയില്‍ നിന്നും പ്രവാസികളുമായി ആദ്യ വിമാനം രാത്രി 10.35 ഓട് കൂടി കരിപ്പൂരിലെത്തി.  5 കുട്ടികളടക്കം 182 യാത്രക്കാരാണ് ഈ വിമാനത്തില്‍ ഉള്ളത്. ഇതോട് കൂടി ഇന്ന് എത്തേണ്ട രണ്ട് വിമാനങ്ങളും കേരളത്തിലെത്തി.

വിമാന താവളത്തിലുള്ള കനത്ത പരിശോധന നടപടികള്‍ക്ക് ശേഷമാണ് യാത്രക്കാരെ ക്വാറന്റൈനിലേക്ക് മാറ്റുക.എത്തുന്നവരെ വിമാനത്താവളത്തിലെ പരിശോധനകളും നടപടിക്രമങ്ങളും പൂര്‍ത്തിയാക്കിയ ശേഷം അവരവരുടെ ജില്ലകളിലാകും ക്വാറന്റൈന്‍ ചെയ്യുക. ഇതിനായി പ്രത്യേക വാഹനങ്ങര്‍ ഏര്‍പ്പെടുത്തിയിട്ടുണ്ട്.എയര്‍പോര്‍ട്ടുകളില്‍ ഇവരെ കെ.എസ്.ആര്‍.ടി.സി ബസുകളിലാണ് വിവിധ കേന്ദ്രങ്ങളിലെത്തിക്കുന്നത്.