റിയാദ്: ഈജിപ്തിലെ ചര്‍ച്ചില്‍ നടന്ന ചാവേര്‍ സ്‌ഫോടനത്തില്‍ സഊദി അറേബ്യ ശക്തമായി അപലപിച്ചു. നൈല്‍ നദിയുടെ തീരത്ത് ത്വന്‍തയിലും പിന്നാലെ സെന്റ് മാര്‍ക്‌സ് ചര്‍ച്ചിലുമാണ് ഞായറാഴ്ച പ്രാര്‍ഥനക്കിടെ സ്‌ഫോടമുണ്ടായത്.

ആക്രമണത്തിനെതിരെ അതിശക്തമായ ഭാഷയിലാണ് സഊദി വിദേശ കാര്യ മന്ത്രാലയം അപലപിച്ചത്. നിപരാധികളെ കൊള്ളുന്ന രീതിയിലുള്ള ഇത്തരത്തിലുള്ള ആക്രമണം എല്ലാ മത വിഭാഗങ്ങളുടെയും തത്വങ്ങള്‍ക്ക് എതിരാണെന്നും മാനുഷിക മൂല്യങ്ങളെ ചവിട്ടിമെതിക്കുന്നതാണെന്നും സഊദി അറേബ്യ പ്രതികരിച്ചു.

ആക്രമണത്തില്‍ കൊല്ലപ്പെട്ടവരുടെ കുടുംബങ്ങളുടെ ദുഃഖത്തിലും ഈജിപ്ത് ജനതയുടെയും ദുഃഖത്തില്‍ പങ്കു ചേരുന്നതായും പരിക്കേറ്റവര്‍ പെട്ടെന്ന് തന്നെ രോഗം ഭേദമായി സുഖ ജീവിതത്തിലേക്ക് തിരിച്ചു വരട്ടെയെന്നും അനുശോചന സന്ദേശത്തില്‍ സഊദി അറേബ്യ പറഞ്ഞു.