തിരുവല്ല: പത്തനംതിട്ട കോന്നി തണ്ണിത്തോട്ടില്‍ പുലിയുടെ ആക്രമണത്തില്‍ യുവാവ് കൊല്ലപ്പെട്ടു. ഇടുക്കി അടിമാലി കഞ്ഞിക്കുഴി സ്വദേശി വടക്കേല്‍ വീട്ടില്‍ ബിനീഷ് മാത്യു (36) ആണ് മരിച്ചത്.
ഇന്നലെ ഉച്ചയ്ക്ക് പന്ത്രണ്ടോടെയാണ് സംഭവം. മേടപ്പാറ പുള്ളിപ്പാറയില്‍ ടാപ്പിങ് നടത്തുന്നതിനിടെ പുലി ഇയാളുടെ മുകളിലേക്ക് ചാടിവീണ് ആക്രമിക്കുകയായിരുന്നു.
ശബ്ദംകേട്ട് സമീപത്ത് ടാപ്പിങ് നടത്തിക്കൊണ്ടിരുന്ന മറ്റ് തൊഴിലാളികള്‍ ഓടി വന്നപ്പോഴേക്കും ബിനീഷ് കൊല്ലപ്പെട്ടിരുന്നു.
ഇടതുഭാഗത്തെ ചെവിക്ക് പുറകിലും കഴുത്തിനും ആഴത്തില്‍ മുറിവേറ്റിട്ടുണ്ട്. ഭാര്യ: സിനി.