തച്ചനാട്ടുകര: തച്ചനാട്ടുകര മേഖല എസ്.കെ.എസ്.എസ്.എഫ് കമ്മിറ്റിയുടെ ആഭിമുഖ്യത്തില്‍ നൂറ് കണക്കിന് ബൈക്കുകളുടെ അകമ്പടിയോടെ വാഹന പ്രചാരണ ജാഥ നടന്നു.
കൊടക്കാട് സെന്ററില്‍നിന്ന് ആരംഭിച്ച റാലി മുറിയങ്കണ്ണിയില്‍ സമാപിച്ചു. സമാപന സംഗമത്തില്‍ സൈദ് ഹുസൈന്‍ തങ്ങള്‍ കൊടക്കാട് ഉദ്ഘാടനം നിര്‍വഹിച്ചു. സലീം റഹ്മാനിയുടെ അധ്യക്ഷതയില്‍ നടന്ന സംഗമത്തില്‍ കബീര്‍ അന്‍വരി മുഖ്യപ്രഭാഷണം നടത്തി. സൈനുല്‍ ആബിദ് ഫൈസി, ബശീര്‍ അസ്ഹരി ജുനൈസ് ഫൈസി, ഹസന്‍കുട്ടി സൈതലവി, കമാലി സംസാരിച്ചു. റശീദ് ഫൈസി സ്വാഗതവും ഫൈസല്‍ ചോളോട് നന്ദിയും പറഞ്ഞു.
പട്ടാമ്പി: എസ്.കെ.എസ്.എസ്.എഫ് കൊടലൂര്‍ ശാഖാ കമ്മിറ്റിയുടെ നേതൃത്വത്തില്‍ മജ്‌ലിസുന്നൂര്‍ ആത്മീയ സംഗമവും മദീനാ പാഷന്‍ പ്രചാരണ സമ്മേളനവും നടത്തി.
ഹമീദ് അന്‍വരി അധ്യക്ഷനായി. മഹല്ല് ഖത്തീബ് മന്‍സൂര്‍ ദാരിമി മുഖ്യപ്രഭാഷണം നടത്തി. അസ്‌ലഹ് കൊടലൂര്‍, മുഹമ്മദ് കുട്ടി ഹാജി, അബ്ദുറഹ്മാന്‍ ഫൈസി, അജ്മല്‍ വാഫി, ഷംസുദ്ദീന്‍ അന്‍വരി സംബന്ധിച്ചു.
കരിമ്പ: എസ്.കെ.എസ്.എസ്.എഫ് മദീന പാഷന്‍ ജില്ലാ സമ്മേളനത്തിന്റെ ഭാഗമായി കരിമ്പ ക്ലസ്റ്റര്‍ കമ്മിറ്റിയുടെ ആഭിമുഖ്യത്തില്‍ പദയാത്ര നടത്തി. കാലത്ത് ഒന്‍പത് ഇടക്കുര്‍ശ്ശിയില്‍നിന്ന് ആരംഭിച്ച പദയാത്ര സി.കെ മുഹമ്മദ് കുട്ടി ഫൈസി ഉദ്ഘാടനം ചെയ്തു. എസ്.വൈ.എസ് മണ്ഡലം പ്രസിഡന്റ് വി. മുഹമ്മദ് ഫൈസി ജാഥാ കാപ്റ്റന്‍ നിസാര്‍ ഫൈസിക്ക് പതാക കൈമാറി. ജില്ലാ ട്രഷറര്‍ എ.എം അശ്കറലി മുഖ്യപ്രഭാഷണം നടത്തി. അശ്‌റഫ് അശ്‌റഫി, അശ്‌റഫ് പനയംപാടം, സ്വദഖത്തുള്ള വെട്ടം, എ.എച്ച് അബ്ദുല്‍ ബഷീര്‍, കെ.എം മുസ്തഫ, മുസ്തഫ മൗലവി, നിസാര്‍, ഹംസ ആശിഖ്, അന്‍സാര്‍ സംബന്ധിച്ചു. നിസാര്‍ ഫൈസി സ്വാഗതവും ശമീര്‍ മാസ്റ്റര്‍ നന്ദിയും പറഞ്ഞു.