ഇസ്‌ലാമാബാദ്: കൊവിഡ് വ്യാപനത്തെ തുടര്‍ന്ന് ഏര്‍പ്പെടുത്തിയിരുന്ന ലോക്ക് ഡൗണില്‍ ഇളവുവരുത്തി പാകിസ്താനും. നാളെ മുതലാണ് രാജ്യത്തു ഘട്ടംഘട്ടമായി ലോക്ക്ഡൗണ്‍ ഇളവ് നിലവില്‍വരികയെന്ന് പ്രധാനമന്ത്രി ഇമ്രാന്‍ഖാന്‍ അറിയിച്ചു.
രാജ്യത്തെ തൊഴിലില്ലായ്മ വര്‍ധിക്കുകയും സാമ്പത്തിക രംഗം പ്രയാസത്തിലാകുകയും ചെയ്തതിനെ തുടര്‍ന്നാണ് നടപടി. കൊവിഡ് വ്യാപനം പാകിസ്താനില്‍ ഇതുവരെ നിയന്ത്രണവിധേയമായിട്ടില്ല.
ആഴ്ചയില്‍ അഞ്ചു ദിവസം മാര്‍ക്കറ്റുകള്‍ തുറക്കും. കടകള്‍ വൈകിട്ട് അഞ്ചോടെ അടയ്ക്കണം. പൊതുഗതാഗതം പുനരാരംഭിക്കില്ല.
പാകിസ്താനില്‍ ഇതുവരെ 24,073 പേര്‍ക്കു കൊവിഡ് സ്ഥിരീകരിക്കുകയും 564 പേര്‍ മരിക്കുകയും ചെയ്തിട്ടുണ്ട്.