കോഴിക്കോട്: മുസ്‌ലിം ലീഗ് സംസ്ഥാന പ്രവര്‍ത്തക സമിതി യോഗത്തിന് കോഴിക്കോട് തുടക്കമായി. യു.ഡി.എഫിന്റെ തെരഞ്ഞെടുപ്പ് തോല്‍വിയെക്കുറിച്ചും ലീഗിന്റെ ചില സീറ്റുകളിലെ തോല്‍വിയും യോഗത്തില്‍ ചര്‍ച്ചയാകും. പാണക്കാട് സയ്യിദ് ഹൈദരലി ശിഹാബ് തങ്ങളുടെ അധ്യക്ഷതയിലാണ് യോഗം. രണ്ട് ദിവസത്തെ യോഗം നാളെ വൈകീട്ടാണ് സമാപിക്കുക. കോഴിക്കോട് തൊണ്ടയാട് ഗാര്‍ഡന്‍ ഹാളില്‍ വച്ചാണ് യോഗം.