തിരുവനന്തപുരം: തമിഴ്‌നാട്ടില്‍ വാഹനാപകടങ്ങളില്‍ പെടുന്ന മലയാളികള്‍ക്ക് വിദഗ്ധ ചികിത്സ ഉറപ്പാക്കാന്‍ വേണ്ടതെല്ലാം ചെയ്യുമെന്ന് മുഖ്യമന്ത്രി പിണറായി വിജയന്‍ സഭയെ അറിയിച്ചു. 

പാലക്കാട് മീനാക്ഷിപുരത്ത് നിന്നും തമിഴ്‌നാട്ടിലേക്ക് പോയവര്‍ വാഹനാപകടത്തില്‍പ്പെടുകയും പരിക്കേറ്റ മണികണ്ഠന്‍ മരിക്കുകയും ചെയ്തു. ഇയാളുടെ ചികിത്സയ്ക്ക് പണമില്ലാത്തതിനാല്‍ ആന്തരാവയവങ്ങള്‍ നീക്കം ചെയ്തുവെന്നാണ് വാര്‍ത്തകള്‍ വന്നത്.
മാധ്യമങ്ങള്‍ വിളിച്ചു പറയുന്നതെല്ലാം ശരിയാണെന്ന് പറയാനാകില്ല. ഫലപ്രദമായി പ്രവര്‍ത്തിക്കുന്ന ഒരു ആരോഗ്യ സംവിധാനമാണ് തമിഴ്‌നാട്ടിലേത്. അപകടത്തില്‍പ്പെട്ടവര്‍ക്ക് വിദഗ്ധ ചികിത്സ നല്‍കണമെന്ന് കാണിച്ച് തമിഴ്‌നാട് മുഖ്യമന്ത്രിക്ക് കത്തയച്ചിരുന്നു.