നെടുങ്കണ്ടം: ചതുരംഗപ്പാറമെട്ടില്‍ കാറ്റാടിപ്പാടത്തിനു സമീപം തീപിടിത്തം. സര്‍ക്കാര്‍ ഭൂമിയും, സ്വകാര്യ വ്യക്തികളുടെ ഭൂമിയും കത്തി നശിച്ചു. ഇന്നലെ രാവിലെ 11നു സമീപവാസികളാണ് തീപടര്‍ന്നു പിടിക്കുന്നത് കണ്ടത്. ശാന്തന്‍പാറ പൊലിസ്, നെടുങ്കണ്ടം ഫയര്‍ഫോഴ്‌സിനെ വിവരമറിയിച്ചതിനെ തുടര്‍ന്ന് നെടുങ്കണ്ടം ഫയര്‍ഫോഴ്‌സും, പ്രദേശവാസികളും ചേര്‍ന്നാണ് തീയണച്ചത്. ഒരു മണിക്കുറോളം പരിശ്രമിച്ചാണ് തീപിടുത്തം നിയന്ത്രണ വിധേയമാക്കിയത്. മേഖലയിലെ കുറ്റിക്കാടുകളിലേയ്ക്കും, സമീപത്തെ കര്‍ഷകരുടെ ഭൂമിയിലേയ്ക്കുമാണ് തീപ്പടര്‍ന്നത്. വനമേഖലയിലേയ്ക്ക് തീ പടരാതെ നിയന്ത്രിച്ചതിനാല്‍ വന്‍ അപകടം ഒഴിവായി. കാറ്റാടിപ്പാടത്തിനു നാശന്ഷടമുണ്ടായിട്ടില്ലെന്നാണ് ഫയര്‍ഫോഴ്‌സ് ഉദ്യോഗസ്ഥര്‍ അറിയിച്ചു.