കാട്ടൂര്‍: എടക്കുളം വിബിന്‍ കൊലപാതകവുമായി ബന്ധപ്പെട്ട് ഒരാളെ കൂടി കാട്ടൂര്‍ പൊലിസ് അറസ്റ്റ് ചെയ്തു.
എടക്കുളം വിവേകാനന്ദ നഗര്‍ സ്വദേശി നാര്യാട്ടില്‍ കാര്‍ത്തികേയനെയാണ് കാട്ടൂര്‍ എസ്.ഐ രാജേഷും സംഘവും അറസ്റ്റ് ചെയ്തത്. കേസില്‍ മൂന്ന് പ്രതികളെ നേരത്തെ അറസ്റ്റ് ചെയ്തിരുന്നു. കഴിഞ്ഞ 15ന് രാത്രി വിവാഹ നിശ്ചയ വീട്ടില്‍ പോയി മടങ്ങുകയായിരുന്ന പൊറത്തിശേരി സ്വദേശി ഓട്ടറാട്ട് വീട്ടീല്‍ വാവ എന്ന് വിളിക്കുന്ന വിബിനെ പ്രതികള്‍ കമ്പിവടി കൊണ്ട് തലയ്ക്ക് അടിക്കുകയും പരുക്കേറ്റ് ചികിത്സയിലിരിക്കെ വിബിന്‍ മരണപെടുകയുമായിരുന്നു.
സംഭവശേഷം ഒളിവില്‍ പോയ പ്രതിയെ പടിയൂര്‍ കോതറ പാലത്തിന് സമീപം വച്ച് ഇന്നലെ രാത്രിയാണ് അറസ്റ്റ് ചെയ്തത്.അന്വേഷണ സംഘത്തില്‍ ബസന്ത്, നൗഷാദ്, സാജന്‍, നൗഷാദ് എന്നിവരും ഉണ്ടായിരുന്നു.