കൊല്ലം: ദേശീയ മത്സ്യ കര്‍ഷക ദിനാഘോഷത്തിന്റെ ഭാഗമായി മത്സ്യ സമൃദ്ധി2 പദ്ധതിയുടെ ജില്ലാതല ഉദ്ഘാടനം നാളെ ഫിഷറീസ് മന്ത്രി ജെ മേഴ്‌സിക്കുട്ടിയമ്മ നിര്‍വഹിക്കും.
രാവിലെ 10ന് കൊല്ലം ഫാത്തിമ മാതാ നാഷണല്‍ കോളേജ് ഓഡിറ്റോറിയത്തില്‍ നടക്കുന്ന ചടങ്ങില്‍ എം നൗഷാദ് എം.എല്‍.എ അധ്യക്ഷത വഹിക്കും. മേയര്‍ വി രാജേന്ദ്രബാബു, എന്‍ കെ പ്രേമചന്ദ്രന്‍ എം പി തുടങ്ങിയവര്‍ മുഖ്യാതിഥികളായിരിക്കും. എം മുകേഷ് എം.എല്‍.എ മത്സ്യ കര്‍ഷകരെ ആദരിക്കും. ജില്ലാ പഞ്ചായത്ത് പ്രസിഡന്റ് കെ ജഗദമ്മ മത്സ്യവിത്ത് വിതരണം ചെയ്യും. വാര്‍ഡ് കൗണ്‍സിലര്‍മാരായ റീനാ സെബാസ്റ്റ്യന്‍, ദീപാ തോമസ്, എന്‍ മോഹനന്‍, കരുമാലില്‍ കെ ഉദയാ സുകുമാരന്‍, വിനീതാ വിന്‍സെന്റ്, ഷീബാ ആന്റണി, ഫിഷറീസ് ജോയിന്റ് ഡയറക്‌റും മത്സ്യസമൃദ്ധി2 സ്‌പെഷ്യല്‍ ഓഫീസറുമായ ആര്‍ സന്ധ്യ തുടങ്ങിയവര്‍ പങ്കെടുക്കും.

്‌