മോസ്‌കോ: ആഫ്രിക്കന്‍ തിരമാലകളില്‍ പെട്ട് ആടിയുലഞ്ഞ പോര്‍ച്ചുഗല്‍ ഒടുവില്‍ നായകന്റെ കൈപിടിച്ച് കരകയറി. ക്യാപ്റ്റന്‍ ക്രിസ്റ്റ്യാനോ റൊണാള്‍ഡോ വീïും രക്ഷകനായെത്തിയ മത്സരത്തില്‍ എതിരില്ലാത്ത ഒരു ഗോളിന് മൊറോക്കോയെ പരാജപ്പെടുത്തി പോര്‍ച്ചുഗല്‍ പ്രീക്വാര്‍ട്ടര്‍ സാധ്യത നിലനിര്‍ത്തി.

മത്സരത്തിന്റെ നാലാം മിനുട്ടില്‍ തന്റെ ഈ ലോകകപ്പിലെ നാലാം ഗോള്‍ നേടിയാണ് ക്രിസ്റ്റ്യാനോ പോര്‍ച്ചുഗലിന് റഷ്യന്‍ ലോകകപ്പിലെ ആദ്യ ജയം സമ്മാനിച്ചത്. കളിയിലുടനീളം മേധാവിത്തം പുലര്‍ത്തിയത് മൊറോക്കോയായിരുന്നു. ഗോള്‍ നേടുന്നതിലെ പരാജയമൊഴിച്ചാല്‍ മൊറോക്കോ പോര്‍ച്ചുഗലിന് മേല്‍ വ്യക്തമായ മേല്‍ക്കൈ നേടി. നിരന്തര ആക്രമണങ്ങളിലൂടെ അവര്‍ പോര്‍ച്ചുഗല്‍ ഗോള്‍മുഖം വിറപ്പിച്ചു. കളിയുടെ ആദ്യ മിനുട്ടില്‍ തന്നെ ഗോള്‍ നേടിയെങ്കിലും മെറോക്കോക്ക് മുന്നില്‍ പോര്‍ച്ചുഗല്‍ വിയര്‍ത്തു. റൊണാള്‍ഡോയുടെയും ഗോള്‍ കീപ്പര്‍ റൂയി പാട്രിഷോയുടെയും പെപെയുടെയും പ്രകടനം ഒഴിച്ചാല്‍ പോര്‍ച്ചുഗല്‍ നിരയില്‍ ബാക്കിയുള്ളവരെല്ലാം സംപൂര്‍ണ പരാജയമായിരുന്നു. കളിയുടെ നാലാം മിനുട്ടില്‍ മൗട്ടീഞ്ഞോ ബോക്‌സിലേക്ക് ഉയര്‍ത്തി നല്‍കിയ പന്ത് ബുള്ളറ്റ് ഹെഡറിലൂടെ റൊണാള്‍ഡോ വലയിലെത്തിച്ചു. 40ാം മിനുട്ടില്‍ ഗ്യൂഡെസിന് ലഭിച്ച അവസരം മൊറോക്കോ ഗോള്‍കീപ്പര്‍ മുനിര്‍ മുഹ്നദി തട്ടിയകറ്റി. മൊറോക്കോ താരം ഹക്കിം സിയേച്ച് മിന്നല്‍ നീക്കങ്ങള്‍ നടത്തിയെങ്കിലും ഗോള്‍ മാത്രം അകന്നുനിന്നു. ആദ്യ മത്സരത്തില്‍ ഇറാനോട് പൊരുതിയെങ്കിലും മൊറോക്കോക്ക് സെല്‍ഫ് ഗോള്‍ വില്ലനാവുകയായിരുന്നു. രï് മത്സരങ്ങള്‍ പരാജയപ്പെട്ട മൊറോക്കോ പ്രീക്വാര്‍ട്ടര്‍ കാണാതെ പുറത്തായി. ജയത്തോടെ നാല് പോയിന്റുമായി ഗ്രൂപ്പ് ബിയില്‍ പോര്‍ച്ചുഗല്‍ ഒന്നാമതായി.