നരിക്കുനി: വളര്‍ന്നു വരുന്ന ലോകത്ത് വിശുദ്ധ ഇസ്‌ലാമിനെ പരിചയപ്പെടുത്താനും തീവ്രവാദ പ്രവര്‍ത്തനങ്ങളെ ഇല്ലായ്മ ചെയ്യാനും സമന്വയ വിദ്യാഭ്യാസം നേടിയ പുതുതലമുറ വളര്‍ന്നു വരണമെന്ന് വാവാട് പി.കെ കുഞ്ഞിക്കോയ മുസ്‌ലിയാര്‍. നരിക്കുനി മജ്മഅ് വനിതാ ശരീഅത്ത് കോളജില്‍ സംഘടിപ്പിച്ച നേതൃസംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഫൈസല്‍ ഫൈസി മടവൂര്‍ പദ്ധതി വിശദീകരിച്ചു. സ്ഥാപനത്തില്‍ പുതുതായി നിര്‍മിക്കുന്ന പാറന്നൂര്‍ പി.പി ഉസ്താദ് ബ്ലോക്കിന്റെ നിര്‍മാണ ഫണ്ട് ഉദ്ഘാടനം യു. ശറഫുദ്ദീന്‍ മാസ്റ്ററില്‍നിന്നു തുക സ്വീകരിച്ച് വാവാട് കുഞ്ഞിക്കോയ മുസ്‌ലിയാര്‍ നിര്‍വഹിച്ചു.
മടവൂര്‍ ഹംസ, മൂത്താട്ട് അബ്ദുറഹ്മാന്‍ മാസ്റ്റര്‍, അസ്‌ലം ബാഖവി, കെ.സി അബ്ദുല്‍ ഖാദര്‍, മണ്ണങ്ങര അബൂബക്കര്‍ ഹാജി, കെ.എം മുഹമ്മദ് മാസ്റ്റര്‍, ഖത്തര്‍ അബു മൗലവി, ഖത്തര്‍ കെ.എം.സി.സി ജന. സെക്രട്ടറി അബ്ദുല്‍ അസീസ് നരിക്കുനി, മുഹമ്മദ് മടവൂര്‍, പി.സി മുഹമ്മദ് ഇബ്രാഹിം, മണ്ണങ്ങര അബ്ദുറഹ്മാന്‍ ഹാജി, ബഷീര്‍ ഹാജി കരീറ്റിപറമ്പ്, യു.പി ഹുസൈന്‍കുട്ടി ഹാജി, അബ്ദുറഹ്മാന്‍ ഹാജി എരവന്നൂര്‍, കെ.സി അബ്ദുല്‍ അസീസ് മാസ്റ്റര്‍, ടി.കെ അബൂബക്കര്‍ മാസ്റ്റര്‍, ശാക്കിര്‍ ഹുസൈന്‍ ദാരിമി, കെ.പി ഖാസിം മൗലവി, പി. മുഹമ്മദലി മാസ്റ്റര്‍, ജാബിര്‍ ദാരിമി പാറന്നൂര്‍, ഷരീഫ് മാസ്റ്റര്‍ പുതുക്കുടി സംസാരിച്ചു. ജന. സെക്രട്ടറി യു.പി അബ്ദുല്‍ കരീം സ്വാഗതവും പി. മുഹമ്മദ് നന്ദിയും പറഞ്ഞു.