നിലമ്പൂര്‍: കരുളായിയിലെ യുവാവിന്റെ കൊലപാതകത്തിന് ഇടയാക്കിയ അക്രമണ കേസില്‍ അഞ്ചുപേര്‍ കൂടി പൊലിസിന്റെ പിടിയിലായി. വധകേസിലെ ഒന്നാംപ്രതിയായ കുളവട്ടം പണിക്കപീടിക മുനീറിന്റെ പരാതിയില്‍ കൊല്ലപ്പെട്ട കോര്‍മത്ത് ഷബീറിന്റെ സുഹൃത്തുക്കളായ പറമ്പന്‍ മുഹമ്മദ് അല്‍ഫാസ് (19), വാരിക്കല്‍ ഉഴുന്നന്‍ അബ്ദുല്‍ ബാസിത്ത് (24), കൊട്ടുപാറ ഇട്ടേപറമ്പന്‍ മുഹമ്മദ് ഫവാസ് (19), നെയ്തക്കോടന്‍ ഷാഹില്‍ (20) എന്നിവരെ നിലമ്പൂര്‍ സി.ഐ ടി. സജീവനും ഉഴുന്നന്‍ സാബിത്തിനെ (19) പൂക്കോട്ടുംപാടം എസ്‌ഐ അമൃത രംഗനും അറസ്റ്റ് ചെയതു. മുനീറിന്റെയും ബന്ധുവിന്റേയും വീട് ആക്രമിച്ചെന്ന കേസിലാണ് ഇവര്‍ അറസ്റ്റിലായത്.