താമരശ്ശേരി: രണ്ട് കിലോ കഞ്ചാവുമായി വയനാട് സ്വദേശി താമരശ്ശേരിയില്‍ പിടിയില്‍. സുല്‍ത്താന്‍ബത്തേരി പൂതാടി പട്ടാറവീട്ടില്‍ മണി എന്ന ബജീഷി(32)നെയാണ് താമരശ്ശേരി എക്‌സൈസ് റെയ്ഞ്ച് ഇന്‍സ്‌പെക്ടര്‍ പി.പി വേണുവിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. താമരശ്ശേരി കെ.എസ്.ആര്‍.ടി.സി ഡിപ്പോക്ക് സമീപം സംശയാസ്പദ സാഹചര്യത്തില്‍ കണ്ടെത്തിയ ബജീഷിനെ കൂടുതല്‍ ചോദ്യം ചെയ്യുകയും ബാഗ് പരിശോധിക്കുകയും ചെയ്തപ്പോഴാണ് കഞ്ചാവ് കണ്ടെത്തിയത്. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ സദാനന്ദന്‍, പ്രിവന്റീവ് ഓഫിസര്‍ ചന്ദ്രന്‍ കുഴിച്ചാലില്‍, സി.പി.ഒമാരായ എന്‍.പി വിവേക്, കെ.ജി ജിനീഷ്, മുഹമ്മദ് ഇര്‍ഷാദ്, ടി. നൗഫല്‍, സി.ജി ഷാജു, കൃഷ്ണന്‍ എന്നിവരടങ്ങിയ സംഘമാണ് കഞ്ചാവ് പിടികൂടിയത്. പ്രതിയെ താമരശ്ശേരി കോടതിയി ല്‍ ഹാജരാക്കി.