കോഴിക്കോട്: സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ ജില്ലാ കമ്മിറ്റിയുടെ ആഭിമുഖ്യത്തില്‍ മദ്‌റസകളിലെ അഞ്ച്, ഏഴ്, പത്ത്, പ്ലസ് ടു ക്ലാസുകളിലെ സമസ്ത പൊതുപരീക്ഷക്ക് മുന്‍പായി ഈ മാസം 30,31 തിയതികളില്‍ മോഡല്‍പരീക്ഷ നടത്താന്‍ തീരുമാനിച്ചു.
മദ്‌റസകള്‍ മികവിന്റെ കേന്ദ്രങ്ങളാക്കി മാറ്റുവാന്‍ മദ്‌റസ മാനേജിങ് കമ്മിറ്റികള്‍ തയാറാകണമെന്ന് ശില്‍പശാല ആവശ്യപ്പെട്ടു .
ജില്ലാ കമ്മറ്റി സംഘടിപ്പിച്ച ശില്‍പശാല എസ്.കെ.ജെ.എം ജില്ലാ സെക്രട്ടറി പി. ഹസൈനാര്‍ ഫൈസി ഉദ്ഘാടനം ചെയ്തു. ജില്ലാ പ്രസിഡന്റ് എ.പി.പി തങ്ങള്‍ അധ്യക്ഷനായി. സംസ്ഥാന സെക്രട്ടറിമാരായ ഷാഹുല്‍ ഹമീദ് മാസ്റ്റര്‍ മേല്‍മുറി, കെ.പി കോയ ക്ലാസെടുത്തു. സൈനുല്‍ ആബിദീന്‍ തങ്ങള്‍, പി. മാമുക്കോയ ഹാജി, കെ. മൊയ്തീന്‍കുട്ടി, ടി.പി മൊയ്തീന്‍ കോയ മാസ്റ്റര്‍, എ.കെ.സി മുഹമ്മദ്, നടുക്കണ്ടി അബൂബക്കര്‍, ബഷീര്‍ മാസ്റ്റര്‍ നാദാപുരം, അന്‍സാര്‍ കൊല്ലം, അബ്ദുല്ലക്കുട്ടി ഹാജി, കഹാര്‍ പുതുപ്പാടി, അബ്ദുറഹ്മാന്‍ കുറ്റ്യാടി, സിദ്ദീഖ് മാസ്റ്റര്‍ സംസാരിച്ചു.
കെ.കെ നാസര്‍ ഹാജി സ്വാഗതവും സി.എ ശുക്കൂര്‍ മാസ്റ്റര്‍ നന്ദിയും പറഞ്ഞു. ഏപ്രില്‍ 15ന് മുന്‍പായി നാദാപുരം, വടകര, കൊയിലാണ്ടി, താമരശ്ശേരി മേഖലകളില്‍ ശില്‍പശാല സംഘടിപ്പിക്കും.