ഏറ്റുമാനൂര്‍: കേരളാ എന്‍ജിനീയറിംഗ് പ്രവേശനപരീക്ഷയില്‍ ആദ്യ മൂന്ന് റാങ്കും മാന്നാനം കെ.ഇ. ഇംഗ്ലിഷ് മീഡിയം സ്‌കൂളിലെ വിദ്യാര്‍ഥികള്‍ക്ക്. കടുത്തുരുത്തിയിലെ അമല്‍ മാത്യുവിനാണ് ഒന്നാം റാങ്ക്. കൊല്ലം പെരിനാട് ശ്രീശബരിയില്‍ ശബരി കൃഷ്ണയ്ക്കാണ് രണ്ടാം റാങ്ക്. കോട്ടയം തെള്ളകം കല്ലുങ്കല്‍ ഡെനില്‍ ജോസ് മൂന്നാം റാങ്ക് നേടിയപ്പോള്‍ ഇതേ സ്‌കൂളിലെ ഋഷികേശ് അഞ്ചാം റാങ്ക് സ്വന്തമാക്കി.

ഐ.ഐ.ടി പ്രവേശന പരീക്ഷയില്‍ അഖിലേന്ത്യാ തലത്തില്‍ എണ്‍പത്തിയഞ്ചാം റാങ്കും സംസ്ഥാനതലത്തില്‍ ഒന്നാം റാങ്കും അമല്‍ മാത്യു നേടിയിരുന്നു. കേരളാ എന്‍ജിനീയറിങ് പ്രവേശനപരീക്ഷയില്‍ ആദ്യ നൂറില്‍ പതിനൊന്നും അഞ്ഞൂറില്‍ മുപ്പതും റാങ്കുകള്‍ കെ.ഇ.സ്‌കൂളിലെ വിദ്യാര്‍ഥികള്‍ക്കാണ്.
അഖിലേന്ത്യാ മെഡിക്കല്‍ പ്രവേശനപരീക്ഷയില്‍ 103 ാം റാങ്കും സംസ്ഥാനതലത്തില്‍ അഞ്ചാം റാങ്കും നേടിയ മെറിന്‍ മാത്യുവും എയിംസ് പ്രവേശനപരീക്ഷയില്‍ സംസ്ഥാനതലത്തില്‍ ഒന്നാം റാങ്ക് നേടിയ ജോഷ്വ എബ്രഹാം ഇസഹാക്കും ഈ സ്‌കൂളിലെ വിദ്യാര്‍ഥികളാണ്.