വെള്ളാങ്ങല്ലൂര്‍: സംസ്‌കാര സാഹിതി കൊടുങ്ങല്ലൂര്‍ നിയോജക മണ്ഡലം കമ്മിറ്റിയുടെ നേതൃത്വത്തില്‍ 'ദി ഗ്രേറ്റ് ഫാദര്‍ ' എന്ന സിനിമയുടെ സംവിധായകന്‍ ഹനീഫ് അദേനിയെ ആദരിച്ചു.
വെള്ളാങ്ങല്ലൂര്‍ പഞ്ചായത്തിലെ മനയ്ക്കലപ്പടി സ്വദേശിയായ ഹനീഫ് അദേനി ആദ്യമായി രചനയും സംവിധാനവും നിര്‍വഹിച്ച ചിത്രമാണിത്. ചിത്രത്തിന്റെ  വിജയാഘോഷവും നടത്തി. ഡി.സി.സി. ജനറല്‍ സെക്രട്ടറി ടി.എം.നാസര്‍ ഉദ്ഘാടനം ചെയ്തു.
സംസ്‌കാര സാഹിതി ചെയര്‍മാന്‍ അയ്യൂബ് കരൂപ്പടന്ന അധ്യക്ഷനായി. കെ.ഐ നജീബ്, ഇ.വി സജീവ്, നസീമ നാസര്‍, എം.എ അബ്ദുള്‍ നിസാര്‍, എ.ബി സിയാവുദ്ദീന്‍, നിഷാദ് കുര്യാപ്പുള്ളി, വി.ഐ അഷറഫ് എന്നിവര്‍ സംസാരിച്ചു.