മങ്കട: വേരും പുലാക്കലില്‍ ആട്ടിന്‍ കൂട്ടത്തെ തെരുവു നായ്ക്കള്‍ കടിച്ചു കൊന്നു. വേരും പിലാക്കല്‍ മുക്കില്‍ ചേരിയത്തെ പള്ളിയാലില്‍ ഉണ്ണിപ്പോയിയുടെ ഏഴു ആടുകളെയുംപുല്ലോടന്‍ കുഞ്ഞി മുഹമ്മദിന്റെ ഒരാടിനെയുമാണു തെരുവു നായ്ക്കള്‍ കൂട്ടത്തോടെ ആക്രമിച്ചു കൊലപ്പെടുത്തിയത്. വ്യാഴാഴ്ച വൈകുന്നേരത്തോടെയാണു സംഭവം. വീടിനടുത്തുള്ള കാട്ടിലേക്കു മേയാന്‍ വിടാറുളള ആടുകള്‍ എന്നും വൈകുന്നേരം ആറോടെ വീട്ടില്‍ തിരിച്ചെത്താറുണ്ട്. എന്നാല്‍ സംഭവ ദിവസം ഏറെ വൈകിയും ഏതാനും ആടുകള്‍ മാത്രം തിരിച്ചെത്തുകയായിരുന്നു. ഇതോടെ നാട്ടുകാരുടെ നേതൃത്വത്തില്‍ നടത്തിയ തെരച്ചിലിലാണ് പലയിടങ്ങളിലായി ആടുകളുടെ മൃതദേഹം കണ്ടെത്തിയത്. ശരീരത്തിന്റെ വിവിധ ഭാഗങ്ങളിലായി മുറിവുകളുണ്ട്