പേരാമ്പ്ര: വീട്ടമ്മയെ വീട്ടില്‍ കയറി മര്‍ദിച്ചവര്‍ക്കെതിരേ മേപ്പയ്യൂര്‍ പൊലിസ് കേസെടുത്തില്ലെന്ന് പരാതി. ആവള കുട്ടോത്ത് നിരയില്‍ രതിയാണ് (46) പൊലിസിനെതിരേ വടകര റൂറല്‍ എസ്.പിക്കു പരാതി നല്‍കിയത്. ജൂണ്‍ അഞ്ചിനാണ് പന്തിരിക്കര സ്വദേശികളായ മൂന്നുപേര്‍ തനിച്ച് താമസിക്കുന്ന രതിയെ വീട്ടില്‍ കയറി മര്‍ദിച്ചത്.
തുടര്‍ന്ന് കോഴിക്കോട് മെഡിക്കല്‍ കോളജില്‍ പ്രവേശിപ്പിച്ച ഇവരുടെ മൊഴി മെഡിക്കല്‍ കോളജ് പൊലിസ് രേഖപ്പെടുത്തുകയും മേപ്പയ്യൂര്‍ പൊലിസിന് കൈമാറുകയും ചെയ്തതായി പരാതിയില്‍ പറയുന്നു. എന്നാല്‍ രതിക്കെതിരേ കൊടുത്ത പരാതിയില്‍ പൊലിസ് അന്വേഷണം ആരംഭിച്ചതായും പറയുന്നു.