തിരുവനന്തപുരം: ലോക്ക് ഡൗണ്‍ തീരുന്നതുവരെ മദ്യശാലകള്‍ തുറക്കേണ്ടതില്ലെന്ന് സി.പി.എം സംസ്ഥാന സെക്രട്ടേറിയറ്റ്. ഇക്കാര്യത്തില്‍ 17ന് സാഹചര്യം വിലയിരുത്തിയ ശേഷം തുടര്‍ നടപടികള്‍ സ്വീകരിച്ചാല്‍ മതിയെന്നും സെക്രട്ടേറിയറ്റില്‍ നിര്‍ദേശം ഉയര്‍ന്നു.
അതേസമയം, സംസ്ഥാനത്തെ മദ്യവിതരണ ശാലകള്‍ തുറക്കുന്നത് സംബന്ധിച്ച തീരുമാനം പരിശോധിച്ച ശേഷം എടുക്കുമെന്ന് മുഖ്യമന്ത്രി പിണറായി വിജയന്‍ വാര്‍ത്താ സമ്മേളനത്തില്‍ പറഞ്ഞു.
മദ്യവില്‍പന കേന്ദ്രങ്ങള്‍ തുറക്കുമ്പോഴുണ്ടാക്കുന്ന സാഹചര്യത്തെക്കുറിച്ചും തിരക്ക് നിയന്ത്രിക്കാന്‍ എന്തെല്ലാം ക്രമീകരണങ്ങള്‍ വേണമെന്നതും സംബന്ധിച്ച വിശദമായ റിപ്പോര്‍ട്ട് സമര്‍പ്പിക്കാന്‍ മുഖ്യമന്ത്രി ഡി.ജി.പിക്ക് നിര്‍ദേശം നല്‍കി.