കാഞ്ഞങ്ങാട്: നഗരത്തിലും ഗ്രാമപ്രദേശങ്ങളിലും എ.ടി.എം കൗണ്ടറുകളില്‍ പണമില്ലാതെ വന്നതോടെ ജനങ്ങള്‍ക്ക് നെട്ടോട്ടം. നാലു ദിവസത്തിലധികമായി കാഞ്ഞങ്ങാട്ടെ മിക്ക എ.ടി.എം കൗണ്ടറുകളിലും പണമില്ലാത്ത സ്ഥിതിയാണ്.
  കഴിഞ്ഞ ദിവസവും ഇന്നലെയും ബാങ്ക് അവധിയായതോടെ ജനങ്ങള്‍ പൂര്‍ണമായും വെട്ടിലായി. കാഞ്ഞങ്ങാട് നഗരത്തിനു പുറമേ മാവുങ്കാല്‍ കവല,പെരിയ തുടങ്ങിയ പ്രദേശങ്ങളിലെ എ.ടി.എം കൗണ്ടറുകളിലും പണമില്ല.
ആവശ്യാനുസരണം എ.ടി.എമ്മില്‍ നിന്നു പണം ശേഖരിച്ചിരുന്നവര്‍ കൗണ്ടറില്‍ എത്തുമ്പോള്‍ പണം ലഭിക്കാതെ വരുന്നതോടെ പലവിധ ആവശ്യങ്ങളും ഉപേക്ഷിച്ചു തിരികെ പോകുന്ന അവസ്ഥയാണ്.