മലപ്പുറം: നാളെ (ബുധന്‍) തുടങ്ങുന്ന ഹയര്‍ സെക്കന്‍ഡറി പരീക്ഷയില്‍ സംസ്ഥാനത്ത് പരീക്ഷയ്ക്കിരിക്കുന്നത്് 9,02,863 വിദ്യാര്‍ഥികള്‍. പ്ലസ്ടു വിഭാഗത്തില്‍ 4,59617 ഉം പ്ലസ് വണ്‍ വിഭാഗത്തില്‍ 4,43,246 ഉം വിദ്യാര്‍ഥികളാണ് പരീക്ഷ എഴുതുക.

ഇരു പരീക്ഷകളും രാവിലെ പത്തുമണിക്കാണ് ആരംഭിക്കുക. കേരളത്തിനു പുറമേ ലക്ഷ്വദ്വീപ്, മാഹി എന്നിവിടങ്ങളിലും അറേബ്യന്‍ രാജ്യങ്ങളിലും ഇതോടൊപ്പം പരീക്ഷ നടക്കുന്നു.
സ്്കൂള്‍ ഗോയിങ് വിഭാഗത്തില്‍ പ്ലസ്ടു തലത്തില്‍ 373199 വിദ്യാര്‍ഥികള്‍ പരീക്ഷ എഴുതും. 60561 ഓപ്പണ്‍ സ്‌കൂള്‍ വിദ്യാര്‍ഥികളാണ് പ്ലസ്ടു പരീക്ഷ എഴുതുന്നത്.

കൂടാതെ പ്രൈവറ്റായി 25857 പേര്‍ പരീക്ഷ എഴുതും. സ്‌കൂള്‍ ഗോയിങ് വിഭാഗത്തില്‍ 55432 വിദ്യാര്‍ഥികള്‍ പരീക്ഷ എഴുതുന്ന മലപ്പുറം ജില്ലയിലാണ് സംസ്ഥാനത്ത് ഏറ്റവും കൂടുതല്‍ പ്ലസ്ടു പരീക്ഷ എഴുതുന്നവരുള്ളത്്.

പ്ലസ്ടു പരീക്ഷയുടെ നടത്തിപ്പിനായി 2033 കേന്ദ്രങ്ങളും പ്ലസ്് വണ്‍ പരീക്ഷയുടെ നടത്തിപ്പിനായി 2014 കേന്ദ്രങ്ങളും സജ്ജീകരിച്ചിട്ടുണ്ട്.
ഇന്നുതുടങ്ങുന്ന പരീക്ഷ ഈ മാസം 27നാണ് അവസാനിക്കുക. ഗള്‍ഫ് രാജ്യങ്ങളില്‍ പ്ലസ് ടുപരീക്ഷയ്ക്ക് എട്ടും പ്ലസ്് വണ്ണിന് ഏഴും കേന്ദ്രങ്ങള്‍ സജ്ജീകരിച്ചിട്ടുണ്ട്.

അതേ സമയം അടുത്ത അധ്യയന വര്‍ഷം മുതല്‍ ഏകീകൃത പരീക്ഷ നടത്താന്‍ പൊതു വിദ്യാഭ്യാസ സെക്രട്ടറി വിളിച്ച യോഗത്തില്‍ തീരുമാനമായി. എസ്എസ്എല്‍എസി, ഹയര്‍ സെക്കന്ററി പരീക്ഷകള്‍ ഒരുമിച്ച് നടത്താനാണ് തീരുമാനം. പ്രവര്‍ത്തി ദിവസങ്ങള്‍ 203 ആയി നിജപ്പെടുത്താനും 6 ശനിയാഴ്ചകള്‍ പ്രവര്‍ത്തി ദിവസമാക്കാനും യോഗം തീരുമാനിച്ചു.