ചെന്നൈ:കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായുള്ള ലോക്ക് ഡൗണില്‍പെട്ട് മലയാളികള്‍ പലഭാഗങ്ങളിലായി കുടുങ്ങിക്കിടക്കുകയാണ്. തിരിച്ചെത്തിക്കാനുള്ള നടപടികള്‍ പലഭാഗങ്ങളിലും നടത്തുന്നുണ്ടെങ്കിലും അത്തരം സഹായങ്ങളൊന്നും ലഭിക്കാതെ നാട്ടിലേക്ക് മടങ്ങാന്‍ കാത്തിരിക്കുന്നവരാണ് അധികവും. മറുനാടുകളിലും,വിദേശങ്ങളിലും തൊഴില്‍ ചെയ്യുന്നവരും ബംഗളൂരില്‍നിന്നുള്ളവരുമെല്ലാം കേരളത്തിലേക്ക് മലയാളികളെ എത്തിക്കാനുളള നടപടിക സ്വീകരിക്കുമ്പോഴും അഞ്ചരലക്ഷത്തോളം മലയാളികള്‍ ഉള്ള ചെന്നൈയില്‍ നിന്ന് മലയാളികളെ തിരിച്ചെത്തിക്കാന്‍ നോര്‍ക്ക യാതൊരുവിധ നടപടികളും സ്വീകരിക്കുന്നില്ല. ഇതിനോടകം തന്നെ നോര്‍ക്കയ്ക്കുനേരെ നിരവധി പരാതികളാണ് ചെന്നെയിലെ മലയാളികള്‍ ഉന്നയിക്കുന്നത്. ചെന്നൈയിലെ നോര്‍ക്ക ഓഫീസിലെ ലൈന്‍ഫോണില്‍ വിളിച്ചാല്‍ പോലും ഫോണ്‍ എടുക്കുന്നില്ലെന്ന പരാതിയും ശക്തമായിരിക്കുകയാണ്.

ധാരാളം ആളുകളാണ് നാട്ടിലേക്ക് മടങ്ങാനാവാതെ ദുരിതമനുഭവിക്കുന്നത്. പത്തനംതിട്ടയില്‍ നിന്നും കഴിഞ്ഞ ഫെബ്രുവരിയില്‍ ചെന്നൈയില്‍ ജോലിതേടി എത്തിയ ഒരു മധ്യവയസ്‌ക്കന്‍ ഇപ്പോള്‍ ചെന്നൈ സെന്‍ട്രല്‍ റെയില്‍വേ സ്റ്റേഷന് സമീപത്തെ ഒരു ലോഡ്ജില്‍ കുടുങ്ങി കിടക്കുന്നുണ്ട കൈയിലുള്ള മുഴുവന്‍ പണവും റൂം വാടക നല്‍കിതീര്‍ന്നു.ദിവസം 250 രൂപയാണ് വാടക. ഒരു നേരത്തെ ഭക്ഷണം പോലും കിട്ടാതെ വലയുകയാണ് ഇപ്പോള്‍ ഇദ്ദേഹം താമസിക്കുന്ന ലോഡ്ജും അടച്ചിടാന്‍ പോവുകയാണ്.ഇദേഹവും നോര്‍ക്ക റൂട്സ് വെബ് സെറ്റില്‍ പേര് രജിസ്റ്റര്‍ ചെയ്ത്‌നാട്ടിലെത്താന്‍ കാത്തിരിക്കുകയാണ്. മുന്‍ പ്രവാസി കൂടിയായ അദ്ദേഹത്തിന്‌നാട്ടില്‍ എത്തിപ്പെട്ടാല്‍ മതിയെന്നാണ് പറയുന്നത്. നോര്‍ക്ക ഓഫീസുമായി പലതവണ ബന്ധപ്പെടാന്‍ ശ്രമിച്ചെങ്കിലും അവര്‍ ഫോണ്‍ എടുക്കുന്നില്ലെന്നും പരാതിപ്പെട്ടു.

ഇതുപോലെ ഒരുപാട് പേര്‍ തമിഴ്‌നാട്ടിലെ വിവിധപ്രദേശങ്ങളില്‍ നിന്നും നാട്ടിലെത്താന്‍ കാത്തിരിക്കുന്നുണ്ട്. വാഹനം കിട്ടാത്തതിനാല്‍ കേരളത്തിലേക്ക് എത്താന്‍ കഴിയാത്ത അവസ്ഥയുമുണ്ട്. ഇതിനിടയില്‍ പ്രവാസികളുടെ വരവോടെ തല്‍ക്കാലം മറുനാടന്‍ മലയാളികള്‍ നാട്ടിലേക്ക് മടങ്ങാനുള്ള രജിസ്‌ട്രേഷന്‍ നിര്‍ത്തിവെച്ചിരിക്കുകയാണ്.തമിഴ്‌നാട്ടില്‍ നിന്നും കേരളത്തിലേക്ക് മടങ്ങാന്‍ ഇതുവരെ 52605 പേരാണ രജിസ്റ്റര്‍ ചെയ്തിട്ടുള്ളത്.

കഴിഞ്ഞ നാല് ദിവസങ്ങളിലായി തമിഴ്‌നാട്ടില്‍ നിന്ന് 20,000ത്തില്‍ താഴെ ആളുകള്‍ മാത്രമാണ് തമിഴ്നാട്ടില്‍ നിന്നും കേരളത്തിലേക്ക് എത്തിയിട്ടുള്ളു. ബാക്കിയുള്ളവര്‍ ഇപ്പോഴും തമിഴ്‌നാട്ടില്‍ തന്നെയാണ.് ചെന്നൈയിലും മറ്റു ജില്ലകളിലും ഓരോ ദിവസവും കൊവിഡ് ബാധിതരുടെ എണ്ണം കൂടുതലായി റിപ്പോര്‍ട്ട് ചെയ്തുകൊണ്ടിരിക്കുമ്പോള്‍, നാട്ടിലേക്ക് പോകാന്‍ രജിസ്റ്റര്‍ ചെയ്ത് കാത്തിരിക്കുന്നവര്‍ക്ക് വാഹനസൗകര്യവും,അതുവരെ ഭക്ഷണ,താമസ സൗകര്യവും നോര്‍ക്ക ഒരുക്കി കൊടുക്കണമെന്നാവശ്യപ്പെട്ടു് മുഖ്യമന്ത്രിക്ക് പരാതിയും നല്‍കിയിട്ടുണ്ട്. ഇതിനിടയില്‍ തമിഴ്‌നാട്ടിലെ വിവിധ ജില്ലകളില്‍പ്രത്യേകിച്ച് ചെന്നൈയില്‍, കെ എം സി സി പ്രവര്‍ത്തകര്‍ തങ്ങളാല്‍ ആവുംവിധം ഭക്ഷണം ,യാത്ര സൗകര്യം ഒരുക്കി കൊടുക്കുന്നുണ്ട് മടങ്ങി വരുന്ന ഇതര സംസ്ഥാന മലയാളികളുടെ ജില്ല തിരിച്ചുള്ള കണക്ക്

കണ്ണൂര്‍ 21296,മലപ്പുറം 18857,പാലക്കാട് 16748,തൃശൂര്‍ 16117,കോഴിക്കോട്
15177,എറണാകുളം 13727

കോട്ടയം 11652.ആലപ്പുഴ 10321,തിരുവനന്തപുരം 9518,കൊല്ലം 9497,പത്തനംതിട്ട
9350,കാസര്‍ഗോഡ് 6570

ഇടുക്കി 6081,വയനാട് 6011.ഇതില്‍ കുറെപേര്‍ക്ക്് നാടണയാന്‍ കഴിഞ്ഞിട്ടുണ്ട്.