ഒല്ലുര്‍: പുത്തുരില്‍ കഞ്ചാവു ഉപയോഗിക്കുന്നവര്‍ തമ്മിലുണ്ടായ തര്‍ക്കത്തിനൊടുവില്‍ യുവാവിന് കുത്തേറ്റു. ഗുരുതര പരുക്കേറ്റ യുവാവ് തൃശുര്‍ ജൂബിലി മിഷന്‍ ആശുപത്രിയില്‍ ചികിത്സയിലാണ്. പുത്തൂര്‍ നമ്പ്യാര്‍ റോഡില്‍ കൊട്ടിയാട്ടില്‍ സരീതി(27)നാണ് കുത്തേറ്റത്. ഇന്നലെ ഉച്ചയോടെ നമ്പ്യര്‍ റോഡില്‍ വെച്ചാണു സംഭവം.
കഞ്ചാവ് ഉപയോഗിക്കുന്നവരും വില്‍ക്കുന്നവരുമായ ആറംഗ സംഘമാണു ആക്രമണത്തിന് പിന്നില്‍. ഉടനെ ബൈക്കില്‍ രക്ഷപ്പെട്ട സരീത് സുഹൃത്തുക്കളുടെ സഹായത്തേടെ ആശുപത്രിയില്‍ പ്രവേശിച്ചു. ആക്രമികള്‍ കഞ്ചാവു വില്‍പ്പനയുള്‍പ്പെടെ നിരവധി കേസുകളിലെ പ്രതികളാണ്. ഈ പ്രദേശം കേന്ദ്രീകരിച്ച് കഞ്ചാവ് വില്‍പ്പന വ്യാപകമാണെന്ന് നാട്ടുകാര്‍ പറയുന്നു. കഞ്ചാവ് വാങ്ങാന്‍ എത്തുന്നവരും ഇവിടെ എത്തി ഉപയോഗിക്കുന്നവരും നാട്ടുകാര്‍ക്കു ഭീഷണിയാണ്. സംഭവം സംബന്ധിച്ചു ഒല്ലൂര്‍ പൊലിസ് കേസ് എടുത്തു അന്വേഷണം ആരംഭിച്ചു.