ഗുരുഗ്രാം: ലോകത്തിലെ ഏറ്റവും മലിനീകരിക്കപ്പെട്ട നഗരങ്ങളില്‍ മുന്‍പന്തിയില്‍ ഇന്ത്യന്‍ നഗരങ്ങളെന്ന് റിപ്പോര്‍ട്ട്. 2018ലെ കണക്കാണ് മലിനീകരണം സംബന്ധിച്ച റിപ്പോര്‍ട്ടില്‍ വ്യക്തമാക്കുന്നത്. ഏറ്റവും മലിനീകരിക്കപ്പെട്ട ഇന്ത്യന്‍ നഗരം ഹരിയാനയിലെ ഗുരുഗ്രാം ആണ്. എന്നാല്‍ ഒരു രാജ്യത്തിന്റെ തലസ്ഥാന നഗരിയെന്ന നിലയില്‍ വായുമലിനീകരണം ഏറ്റവും രൂക്ഷമായത് ഡല്‍ഹിയിലാണ്.

ഗ്രീന്‍പീസ് ഇന്ത്യ പുറത്തിറക്കിയ റിപ്പോര്‍ട്ടില്‍ ഏറ്റവും മലിനീകരിക്കപ്പെട്ട ലോകത്തെ നഗരങ്ങളുടെ പട്ടികയില്‍ 20 നഗരങ്ങളാണ് ഉള്ളത്. ഇതില്‍ 18 എണ്ണവും ഇന്ത്യ, പാകിസ്താന്‍, ബംഗ്ലാദേശ്, ചൈന എന്നീ രാജ്യങ്ങളിലാണ്. ഗുരുഗ്രാമിന് പുറമെ മലിനീകരണം രൂക്ഷമായതില്‍ മുന്‍പന്തിയിലുള്ള നഗരങ്ങളാണ് ഗാസിയാബാദ്, ഫൈസാബാദ്, ഫരീദാബാദ്, ഭീവാണ്ഡി, നോയിഡ, പട്‌ന, ഹോട്ടന്‍, ലഖ്‌നൗ, ലാഹോര്‍ എന്നിവ.