മലപ്പുറം: മുന്‍വര്‍ഷങ്ങളെ പ്പോലെ ഒന്നാംസ്ഥാനക്കാരില്ലെങ്കിലും എന്‍ട്രന്‍സ് പരീക്ഷയില്‍ ജില്ലയ്ക്കു റാങ്കിന്‍ തിളിക്കം. എന്‍ജിനിയറിങ്, മെഡിക്കല്‍, ഫാര്‍മസി കോഴ്‌സുകളിലേക്കുള്ള പ്രവേശനത്തിനായുള്ള സംസ്ഥാന റാങ്ക് പട്ടികയിലാണ് ജില്ലയിലെ നിരവധി മിടുക്കന്മാരും മിടുക്കികളും ഇടംപിടിച്ചത്.
മെഡിക്കല്‍ എന്‍ട്രന്‍സില്‍ എടവണ്ണ കല്ലിടുമ്പ് സ്വദേശി മുഹമ്മദ് ജാസിം സംസ്ഥാനത്തു പത്താമതെത്തി. ആര്‍ക്കിടെക്ചര്‍ വിഭാഗത്തില്‍ തിരൂര്‍ മുത്തന്നൂര്‍ കുനിയില്‍ മുഹമ്മദ് അനസ് സംസ്ഥാനതലത്തില്‍ മൂന്നാമതെത്തി.
ഇതിലെ എസ്.സി വഭാഗത്തില്‍ മാറാക്കര സ്വദേശി അരവിന്ദിനാണ് സംസ്ഥാനത്ത് ഒന്നാംസ്ഥാനം. ഫാര്‍മസി വിഭാഗത്തില്‍ സംസ്ഥാനതലത്തില്‍ നാല്, അഞ്ച്, ആറ്, എട്ട് റാങ്കുകള്‍ ജില്ലയിലാണ്. നടുവട്ടം രാങ്ങാട്ടൂര്‍ സ്വദേശി വിഷ്ണുപ്രസാദ്, പെരിന്തല്‍മണ്ണ കുന്നപ്പള്ളി സ്വദേശി കെ. മുഹമ്മദ് ഫാസില്‍, കുഴിമണ്ണ നീരുട്ടിക്കല്‍ ഹാജറ, കിഴിശ്ശേരി പി. മുഹമ്മദ് മുബാറക് എന്നിവരാണ് യഥാക്രമം സ്ഥാനങ്ങള്‍ നേടിയത്.