ശ്രീകണ്ഠപുരം: നഗരസഭാ വികസനത്തില്‍ ഭരണസമിതി മെല്ലെപ്പോക്ക് തുടരുകയാണെന്ന് കേരളാ കോണ്‍ഗ്രസ് (എം) അഭിപ്രായപ്പെട്ടു. നഗരസഭയിലെ റോഡുകളുടെ അവസ്ഥ പരിതാപകരമാണ്. തെരുവുവിളക്കുകള്‍ കത്തുന്നില്ല. വികസന കാര്യങ്ങളില്‍ പ്രതീക്ഷക്കൊത്ത് ഭരണസമിതി ഉയര്‍ന്നില്ലെന്നും കേരളാ കോണ്‍ഗ്രസ് (എം) ശ്രീകണ്ഠപുരം മണ്ഡലം കമ്മിറ്റി കുറ്റപ്പെടുത്തി.
പ്രസിഡന്റ് ബിജു കെ. ചിറമറ്റം അധ്യക്ഷനായി. അലക്‌സാണ്ടര്‍ ഇല്ലിക്കുന്നേല്‍, വി.വി സേവി, ബിനു ഇലവുങ്കല്‍, പി.കെ ജയിംസ് കെ. ജോസഫ്, സി.കെ അലക്‌സ് സംസാരിച്ചു.