തളിപ്പറമ്പ്: വിശുദ്ധ ഖുര്‍ആനും മതവിജ്ഞാനങ്ങളും പകര്‍ന്നു നല്‍കുന്ന മദ്‌റസകള്‍ ആദരിക്കപ്പെടേണ്ട കേന്ദ്രമാണെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍. കൊട്ടില ഓണപ്പറമ്പ് നൂറുല്‍ ഇസ്‌ലാം മദ്‌റസാ കെട്ടിടത്തിന്റ രണ്ടാം നിലയുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. ടി. ഇസ്ഹാഖ് ദാരിമി അധ്യക്ഷനായി. സമസ്ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ മുഖ്യഥിതിയായിരുന്നു. സമസ്ത സെക്രട്ടറി പി.പി ഉമര്‍ മുസ്‌ലിയാര്‍ മുഖ്യപ്രഭാഷണം നടത്തി. പാലത്തായി മൊയ്തു ഹാജി, ജുനൈദ് വാഫി, ഹാരിസ് അസ്ഹരി, പി. അബ്ദുല്‍ ഖാദര്‍ ഹാജി, എം.കെ അബ്ദുല്‍ കരീം ഹാജി, കെ.പി അബ്ദുല്ല ഹാജി, എം. അബ്ദുല്ല, എം. അബ്ദുറസാഖ് ഹാജി സംസാരിച്ചു.