ന്യൂഡല്‍ഹി: യു.പി.എ അധ്യക്ഷ സോണിയാ ഗാന്ധിയുമായും മക്കള്‍ നീതി മയ്യം നേതാവ് കമല്‍ ഹാസന്‍ കൂടിക്കാഴ്ച നടത്തി. ഇന്നലെ ഡല്‍ഹിയില്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുമായി കൂടിക്കാഴ്ച നടത്തിയിരുന്നു.

തമിഴ്‌നാട്ടിലെ നിലവിലെ സാഹചര്യം പൊതുവായി ചര്‍ച്ചചെയ്തുവെന്ന് കൂടിക്കാഴ്ചയ്ക്കു ശേഷം കമല്‍ ഹാസന്‍ പറഞ്ഞു.

2019 ലോക്‌സഭാ തെരഞ്ഞെടുപ്പില്‍ കോണ്‍ഗ്രസിനൊപ്പം പ്രതിപക്ഷ ഐക്യനിരയില്‍ നില്‍ക്കുമോയെന്ന ചോദ്യത്തിന്, വൈകാതെ തീരുമാനിക്കുമെന്ന് അദ്ദേഹം പ്രതികരിച്ചു.