ലണ്ടണ്ടന്‍: മാഞ്ചസ്റ്റര്‍ യുനൈറ്റഡിന്റെ ചിലിയന്‍ താരം അലക്‌സി സാഞ്ചസ് രണ്ടുമാസം പുറത്ത്. കാല്‍മുട്ടിനേറ്റ പരുക്കിനെ തുടര്‍ന്നാണ് താരം പുറത്തായത്. ഇംഗ്ലീഷ് പ്രീമിയര്‍ ലീഗില്‍ മികച്ച തിരിച്ചുവരവ് നടത്തിയ മാഞ്ചസ്റ്റര്‍ യുനൈറ്റഡിന് സാഞ്ചസിന്റെ പരുക്ക് തിരിച്ചടിയാകും. ഇതോടെ താരത്തിന് ഈ സീസണില്‍ ഇനി യുനൈറ്റഡിനായി കളിക്കാന്‍ കഴിയില്ല. അതേസമയം, ജൂണില്‍ ആരംഭിക്കുന്ന കോപ അമേരിക്ക ടൂര്‍ണമെന്റില്‍ ചിലിക്കുവേ@ണ്ടി സാഞ്ചസിന് കളിക്കാന്‍ കഴിയുമെന്ന പ്രതീക്ഷയിലാണ് താരം. പരിശീലകന്റെ മാറ്റത്തിനുശേഷം സ്വപ്നസമാന തിരിച്ചുവരവ് നടത്തിയ യുനൈറ്റഡിന് ലീഗില്‍ നാലാം സ്ഥാനത്ത് ഫിനിഷ് ചെയ്യാമെന്ന പ്രതീക്ഷയാണ് താരങ്ങളുടെ പരുക്ക് അവരെ തളര്‍ത്തുന്നത്. മാറ്റിയോ ഡാര്‍മിയന്‍, വലന്‍സിയ, ഫില്‍ ജോണ്‍സ് എന്നീ താരങ്ങളും പരുക്കിന്റെ പിടിയിലാണ്.