പിണറായി : പ്രശസ്ത നടിയും നര്‍ത്തകിയുമായ മഞ്ജു വാര്യര്‍ ചരിത്രമുറങ്ങുന്ന പിണറായി ഗ്രാമത്തിലെ സ്ത്രീ മനസുകള്‍ നല്‍കിയ ചിലങ്ക സ്വികരിച്ച് കൊണ്ട് പിണറായി പെരുമ സര്‍ഗ്ഗോല്‍സവം ഉദ്ഘാടനം ചെയ്തു. ചടങ്ങില്‍ മുഖ്യമന്ത്രിയുടെ മണ്ഡലം പ്രതിനിധി പി ബാലന്‍ അദ്ധ്യക്ഷനായി. പിണറായി പഞ്ചായത്ത് പ്രസിഡന്റ് പി.കെ ഗീതമ്മ, തലശ്ശേരി ഡി.വൈ.എസ് പി പ്രിന്‍സ് എബ്രഹാം, വി.എ നാരായണന്‍, ടി പി ദിവാകരന്‍ സംസാരിച്ചു.
സ്വാഗത സംഘം ചെയര്‍മാന്‍  കെ.കെ രാജീവന്‍ സ്വാഗതവും കൊങ്കി രവീന്ദ്രന്‍ നന്ദിയും പറഞ്ഞു.
ചടങ്ങിനു ശേഷം ആയിരങ്ങളെ ആകര്‍ഷിക്കുന്ന മഞ്ജു വാര്യരുടെ   നൃത്തംഅരങ്ങേറി. തുടര്‍ന്ന് പ്രധാന വേദിയായ തിരുവരങ്ങില്‍ മോഹന്‍ലാലിന്റെ പുലിമുരുകന്‍ ചലചിത്ര പ്രദര്‍ശനവും നടന്നു.