കൊല്ലം: സ്വകാര്യ ഗോഡൗണില്‍ സൂക്ഷിച്ച 400 ചാക്ക് റേഷനരിയും 50 ചാക്ക് ഗോതമ്പും പിടികൂടി. ആനേഴ്ത്തുമുക്ക്-മുളങ്കാടകം ശ്മശാനം റോഡിലെ സ്വകാര്യ ഗോഡൗണില്‍ നിന്നാണ് ഡാന്‍സാഫ് (ഡിസ്ട്രിക്ട് ആന്റി നര്‍ക്കോട്ടിക് ആന്‍ഡ് സ്‌പെഷ്യല്‍ ആക്ഷന്‍ ഫോഴ്‌സ്) പിടികൂടിയത്. റേഷന്‍സാധനങ്ങള്‍ നിറച്ച ചാക്കില്‍ നിന്ന് അമ്പത് കിലോ വീതം വിവിധ ബ്രാന്‍ഡുകളുടെ പേരുകള്‍ പ്രിന്റ് ചെയ്ത ചാക്കുകളില്‍ നിറയ്ക്കുകയായിരുന്നു. പൊലിസ് റെയ്ഡിന് എത്തുമ്പോള്‍ അസം സ്വദേശികളായ മൂന്ന് തൊഴിലാളികള്‍ അരി നിറച്ച ചാക്കുകള്‍ യന്ത്രസഹായത്താല്‍ തയ്ക്കുകയായിരുന്നു. ഗോതമ്പ് പൊടിച്ച് നിറയ്ക്കാനുള്ള പായ്ക്കറ്റുകളും കണ്ടെടുത്തിട്ടുണ്ട്. സമീപത്തെ മില്ലുടമയ്ക്കായാണ് ഇത് ചെയ്തതെന്നാണ് പൊലിസിന് ലഭിച്ച വിവരം.