ഷാങ്ഹായ്: ചൈനീസ് ഗ്രാന്‍ പ്രീ ഫോര്‍മുല വണ്‍ കിരീടം ബ്രിട്ടന്റെ മെഴ്‌സിഡെസ് ഡ്രൈവര്‍ ലൂയീസ് ഹമില്‍ട്ടന്. കരിയറില്‍ അഞ്ചാം തവണയാണു ഹാമില്‍ട്ടന്‍ ഇവിടെ ജേതാവാകുന്നത്. ഒപ്പം സീസണിലെ ആദ്യ കിരീടവും ഹാമില്‍ട്ടന്‍ സ്വന്തമാക്കി.
ഫെരാരിയുടെ സെബാസ്റ്റ്യന്‍ വെറ്റല്‍ രണ്ടാം സ്ഥാനത്തും മെഴ്‌സിഡസിലെ ഹാമില്‍ട്ടന്റെ സഹ താരം വല്‍ട്ടെരി ബോട്ടാസ് മൂന്നാം സ്ഥാനത്തുമെത്തി. ഫെരാരിയുടെ കിമി റൈക്കോണനാണു നാലാമതെത്തിയത്. റെഡ് ബുള്ളിന്റെ ഡാനിയല്‍ റിക്കിയാര്‍ഡോ അഞ്ചാമതും വില്ല്യംസിന്റെ ഫിലിപെ മാസ്സ ആറാമതും റെനോയുടെ നിക്കോ ഹള്‍കന്‍ബര്‍ഗ് ഏഴാം സ്ഥാനത്തുമെത്തി. ഫോഴ്‌സ് ഇന്ത്യയുടെ സെര്‍ജിയോ പെരസ് എട്ടാം സ്ഥാനത്തും മറ്റൊരു ഡ്രൈവര്‍ എസ്റ്റെബന്‍ ഒക്കോണ്‍ 20ാം സ്ഥാനത്തുമാണു ഫിനിഷ് ചെയ്തത്.