പയ്യന്നൂര്‍: പയ്യന്നൂര്‍ കോളജില്‍ വീണ്ടും എസ്.എഫ്.ഐ-കെ.എസ്.യു സംഘര്‍ഷം.
നാലു കെ.എസ്.യു പ്രവര്‍ത്തകര്‍ക്ക് പരുക്കേറ്റു. രണ്ടാം വര്‍ഷ ബിരുദ വിദ്യാര്‍ഥികളായ ടി.ജി അശ്വിന്‍ (19), ആലക്കോട്ടെ സി.കെ ഹര്‍ഷരാജ് (22), ഒന്നാംവര്‍ഷ വിദ്യാര്‍ഥികളായ കോറോത്തെ ആകാശ് ഭാസ്‌കര്‍, ഇരിക്കൂറിലെ ബിലാല്‍ (18) എന്നിവര്‍ക്കാണ് പരുക്കേറ്റത്. ഇവരെ പ്രിയദര്‍ശിനി ആശുപത്രിയില്‍ പ്രവേശിപ്പിച്ചു.
നേരത്തെ കെ.എസ്.യു പ്രവര്‍ത്തകരുടെ ചുവരെഴുത്ത് മായ്ച്ച് എസ്.എഫ്.ഐ പ്രവര്‍ത്തകര്‍ ചുവരെഴുതിയിരുന്നു. ഇത് കെ.എസ്.യു പ്രവര്‍ത്തകര്‍ ചോദ്യം ചെയ്തതാണ് അക്രമത്തിന് കാരണം. എസ്.എഫ്.ഐ സംഘം മാരകായുധങ്ങളുമായി ആക്രമിക്കുകയായിരുന്നുവെന്ന് കെ.എസ്.യു പ്രവര്‍ത്തകര്‍ ആരോപിച്ചു.