കൊച്ചി:മുഖ്യമന്ത്രിയായതിനുശേഷം പിണറായി വിജയന്‍ ആദ്യമായി കൊച്ചിയിലെത്തി.ഇന്നലെ രാത്രി ഏഴു മണിയോടെ നെടുമ്പാശ്ശേരി വിമാനത്താവളത്തില്‍ വന്നിറങ്ങിയ മുഖ്യമന്ത്രിക്ക് പാര്‍ട്ടി പ്രവര്‍ത്തകര്‍ സ്വീകരണം നല്‍കി.
ഇന്ന് മുഖ്യമന്ത്രി ജില്ലയില്‍ വിവിധ പരിപാടികളില്‍ പങ്കെടുക്കും.രാവിലെ പത്തിന് ബോള്‍ഗാട്ടി പാലസ് കണ്‍വന്‍ഷന്‍ സെന്ററില്‍ കേരള പൊലിസ് സര്‍വീസ് ഓഫിസേഴ്‌സ് അസോസിയേഷന്‍ സംസ്ഥാന സമ്മേളനത്തില്‍ പങ്കെടുക്കും.
12ന് പനമ്പിള്ളി നഗറില്‍ വികസന സെമിനാറില്‍ പങ്കെടുക്കും.ഉച്ചയ്ക്ക് മൂന്നു മണിക്ക് മുടക്കുഴ തൃക്കേപ്പാറ പെട്ടമലയില്‍ ജിഷഭവനം താക്കോല്‍ദാനവും നിര്‍വഹിക്കും.
അഞ്ചു മണിക്ക് ഇടപ്പള്ളി ചങ്ങമ്പുഴ പാര്‍ക്കില്‍ സാനു മാസ്റ്റര്‍ ഫൗണ്ടേഷന്‍ ആഭിമുഖ്യത്തില്‍ പുസ്തകപ്രകാശനവും ക്രിസ്റ്റി ഫൗണ്ടേഷന്‍ ഉദ്ഘാടനവും നിര്‍വഹിക്കും.
ആറിന് കടവന്ത്ര രാജീവ് ഗാന്ധി ഇന്‍ഡോര്‍ സ്റ്റേഡിയത്തില്‍ മുഖ്യമന്ത്രിക്ക് പൗരസ്വീകരണം നല്‍കും.
എട്ടു മണിക്ക് എറണാകുളം ഗസ്റ്റ് ഹൗസിലെത്തി 8.30ന് നെടുമ്പാശ്ശേരിയിലേക്ക് യാത്ര തിരിക്കും.