ചാവക്കാട്: മകളെ പരിഹസിച്ചത് ചോദ്യം ചെയ്ത പിതാവിനെ മര്‍ദിച്ച് കൊലപ്പെടുത്തിയ കേസില്‍ മൂന്ന് പേര്‍ അറസ്റ്റില്‍. കൊല്ലപ്പെട്ട വാറനാട്ട് വീട്ടില്‍ പി.വി രമേശിന്റെ അയല്‍വാസികളായ സത്യന്‍,ദീപക്,ഹവാസ് എന്നിവരാണ് അറസ്റ്റിലായത്. നരഹത്യക്കാണ് ഇവര്‍ക്കെതിരെ കേസെടുത്തിരിക്കുന്നത്.
കഴിഞ്ഞയാഴ്ചയാണ് മകളുമായി ബൈക്കില്‍ സഞ്ചരിക്കവേ ഒരു കൂട്ടം മദ്യപര്‍ ചേര്‍ന്ന് ഇവരെ പരിഹസിച്ചത്. ഇത് ചോദ്യം ചെയ്ത രമേശിനെ സംഘം ക്രൂരമായി മര്‍ദിക്കുകയായിരുന്നു. തുടര്‍ന്ന് കുഴഞ്ഞുവീണാണ് രമേശ് മരിച്ചത്. അതേ സമയം പോസ്റ്റ്‌മോര്‍ട്ടം റിപ്പോര്‍ട്ടില്‍ ഹൃദയാഘാതമാണ് മരണകാരണമായി പറയുന്നത്.