സുല്‍ത്താന്‍ ബത്തേരി: ബസില്‍ കടത്തുകയായിരുന്ന അരക്കിലോ കഞ്ചാവുമായി മധ്യവയസ്‌ക്കന്‍ പിടിയില്‍.
സുല്‍ത്താന്‍ ബത്തേരി കുപ്പാടി സ്വദേശി മേലെത്തൊടിയില്‍ വീട്ടില്‍ മുഹമ്മദാലി (55)നെയാണ് സുല്‍ത്താന്‍ ബത്തേരി എക്‌സൈസ് റെയ്ഞ്ച് പാര്‍ട്ടി അറസ്റ്റ് ചെയ്തത്. വാഹന പരിശോധനയില്‍ പാട്ടവയലില്‍ നിന്ന് സുല്‍ത്താന്‍ ബത്തേരിയിലേക്ക് വരികയായായിരുന്ന കെ.എസ്.ആര്‍.ടി.സി ബസില്‍ നിന്നാണ് ഇയാളെ പിടികൂടിയത്. സുല്‍ത്താന്‍ ബത്തേരിയിലും പരിസര പ്രദേങ്ങളിലുമുള്ള കോളജ് വിദ്യാര്‍ഥികള്‍ക്കടക്കം കഞ്ചാവ് വില്‍പ്പന നടത്തുന്നയാളാണ് മുഹമ്മദാലിയെന്ന് എക്‌സൈസ് സംഘം പറഞ്ഞു. അസി. എക്‌സൈസ് ഇസ്‌പെക്ടര്‍ വി.കെ മണികണ്ഠന്റെ നേതൃത്വത്തിലാണ് പരിശോധന നടത്തിയത്. പ്രിവന്റീവ് ഓഫിസര്‍ കെ.ജി ശശികുമാര്‍, സിവില്‍ എക്‌സൈസ് ഓഫിസര്‍മാരായ അനീഷ് എ.എസ്, വിനോദ് പി.ആര്‍, ജോഷി തുമ്പാനം, കെ.കെ സുധീഷ് പരിശോധനയില്‍ പങ്കെടുത്തു. പ്രതിയെ സുല്‍ത്താന്‍ ബത്തേരി കോടതിയില്‍ ഹാജരാക്കി.