മണ്ണാര്‍ക്കാട്: മുക്കാലി ചുരത്തില്‍ വീണ്ടും കാട്ടാന. ചുരത്തിലെ പത്താം വളവിന് സമീപം റോഡിന് താഴെയായാണ് ഒറ്റയാനെ കാണപ്പെട്ടത്. വ്യാഴാഴ്ച വൈകുന്നേരം 4മണിയോടെയാണ് ചുരത്തിലൂടെയുളള യാത്രക്കാര്‍ ആനയെ കണ്ടത്. കൂട്ടം തെറ്റിയെത്തിയ കാട്ടാനയാണെന്നാണ് സംശയം. കഴിഞ്ഞ ഒരാഴ്ചയോളമായി ചുരത്തിന്റെ പലഭാഗത്തും ഒറ്റയാനെ കാണപ്പെട്ടിരുന്നതായും പറയപ്പെടുന്നുണ്ട്. ചുരത്തിന് താഴെ ആനമൂളിയിലും സമീപ പ്രദേശങ്ങളിലും സ്ഥിരമായി ആനശല്യമുണ്ടാവാറുണ്ട്. കഴിഞ്ഞ ഏതാനും മാസമായി ആനശല്ല്യത്തിന് കുറവുണ്ടായിരുന്നു. ചുരത്തില്‍ കാട്ടാനയെ വീണ്ടും കണ്ടതോടെ ജനവാസ മേഖല കാടാടനയുടെ ഭീതിയിലായിട്ടുണ്ട്.